Ijaararsi pirojektii deebisanii misoomsuu ”Daar Harar” dallaa Jeggool keessatti ijaarramu jalqabamuufi

Eebila 2/2018(ENA):-Manni Maree Bulchiinsa Naannoo Hararii dhimmoota pirojektii deebisanii misoomaa ''Daar Harar'' Gola Hambaa Addunyaa Jeggool keessatti ijaarramu hatattamaan gara hojiitti galchuu dandeessisan irratti mari’ateera.

Piroojektichi Jeggool  Qabeenyaa Hambaa Addunyaa ta’e kan galmaa’e  jiraattotaa fi dawwattootaaf caalaatti mijattuu akka taa’u gochuuf kan  gargaaru ta’uunsaa ibsameera.

 

Maricharratti, pirojektiin deebisanii misoomsuu ''Daar Harar'' seenaa fi qabiyyee Jeggool  boonsituu biyyaa taatte waliin akka wal-simuun fi ogummaa Ijaararsa Aadaa Jeggool hordofee akka raawwatamu Biiroon Kominiikeeshinii Naannichaa Beeksiseera.

Pirojektiin deebisanii misoomsuu  ''Daar Harar'' ijaarramu kun jireenya jiraattota  fooyyessuuf kan gargaaru ta'uun isaa eerameera.

Piroojektichi fayyadamummaa uummataa dabaluu bira darbee, hojiiwwan olka'iinsa Harar mirkaneessuuf hojjetaman keessatti shoora guddaa akka qabu ibsameera.

 

Pirojekticha keessattis bakka boqonnaa Tuuristootaa  tajaajila ammayyaa  kennan,  qabiyyee seenaa isaanii kan  eeggatani  ijaarramu jedhameera.

 Akka Odeeffannoon  biirichaa  muli'usutti, pirojektiin kun yeroo xumuramu Harariin Baha Afrikaatti bakka  tursiisaa jalqabaa Hambaa  Tuurizimii  taasisuu  keessatti shoora olaanaa  akka qabaatu   ibsameera.