Mahaammad Saalaah Liiverpuuliin  dhuma waggichaatti ni gad-lakkisa

Bitootessa16/2018(ENA)-Taphataan Sarara fuulduraa Liivarpuul Mahaammad Saalaah xumura morkii waggaa kanaatti kilabicha akka gad-lakkisu  ifatti beeksiseera.

Saalaah Murtoo kana  kan beeksise  ergaa viidiyoon deeggartootasaaf dabarseeni .  

“Guyyaan kun gahuusaatti nangadda---xumura morkii  waggaa kanaatti  Liivarpuul gad-nan lakkisa. Kilabni kun, magaalittiin kunii  fi deeggartoonnishee  jireenya koo keessatti  iddoo guddaa hangam akka qaban  ibsuun na rakkisa” jedheera. 

 

Ibsa kilabiin Liivarpuul baaseen  Saalaah turtiisaa kilabii waggaa 9 waxabajjii bara  2026(A.L.A)tti akka  xumuramu  beeksiseera.

Taphatichi deeggartoota isaatiif iftoomina uumuuf jecha, murtoosaa beeksisuu akka filate (BBC)n gabaaseera.

 

Ji’oota darban keessa hariiroon Saalaah fi Leenjisaa Arnee Siloot gidduu ture hammaachaa dhufuusaa fi carraan taphatichi tapharatti hirmaachuuf qabu  xiqqaachuunsaa akka  sababa murtoo kanaatti  eeramu.

Kilabichii fi taphataichi walii galteen walirraa adda bahuuf murteessaniiru.  Saalaah kilabinsaa itti aanau  ifatti beekamuu baatus, Kilaboonni Saawud Arabiyaa (keessattuu AL-Itihaad) taphaticha fudhachuuf fedhii guddaa akka qabanii fi  mariirra jiraachuunsaanii bal’inaan gabaafamaa jira.

 

Saalaah turtiisaan Taphoota 435n Liivarpuuliif   taphate keessaa galchii 255 galmeessiseera.

Kunis galchii Iyaan Raashii (346) fi Roojeer Haanti (285)tti aanuun  sadarkaa 3ffaan  tarree galchii baay’ee  Liivarpuul keessatti  galmaa’ee  akka  argamu  isa taasiseera.