Misoomi koriideraa Hojii Seenaa Magaalaa Harar madaalan ibseera

Bitootessa 6/2018 (ENA)–Misooma koriideraan  seenaa fi hojiin qaroomina Magaala Harar durii madaalan hojjetamuu danda’uusanii waajjirri  koomunikeeshinii Naannoo Hararii  beeksise.

 

Hogganaan waajjirichaa Heenook Mulunaa akka  ibsa kennanitti,  Misoomni koriideraa seenaa fi qaromina Harar durii sadarkaa madaaluun  boqonnaa badhaadhinaarratti akka argamtu  taasisuu danda’uu  ibsaniiru.

Misoomni koriideraa  haala kennaa fi  qabeenya naannichaa ka’umsa godhateen ogummaa gaggeessaa  cimaanii fi  kutannoon hawaasa hirmaachisuun  kan hojjetame ta’uu  hubachiisaniiru.

 

   Hanga Ammaatti misoomni koriideraa Hambaa Idil-Addunyaa Jugalitti daandiin keessa, keessaa Km25n, magaalicha bakkeewwa adda addaa keessatti Km15n, Aanaalee baadiya keessatti immoo  Km50 hojjetamuusa ibsaniru.

 Misoomni koriideraa  Daandii  Konkolaataa, Biskileetii, miilaa, bakkeewwan  magariisaa fi  ibsaa daandiirraa ammayaa’aa hammachuusaa eeruun, kunis Harar, jiraattotaaf mijattuu fi hawwattuu akka taatu  ishee dandeessiseera jedhaniiru. 

 

Misoomichi yaadama mootummaa Ida’amuun,  kalaqa, saffisaa fi qulqullina bu’uura godhatee  hojjetamuusaa  dubbataniiru.

Kunis miidhagina magaalichaa ibsuun, qabeenya Turizimii naannichaa jiru fayyadamuu akka dandeessise eeraniiru.

 

Kanaan walqabatee, magaalotaa fi baadiyyaatti lakkoofsi lammiilee baay'een carraa hojiitiin fayyadamoo ta'uusaanii ibsaniiru.

Rakkoowwan hanqina qulqullinaan mudachaa turan  dhabamsiisuurratti misoomnikoriideraa jijjiirama qabatamaa argamsiisuu  mirkaneessaniiru.