Duudhaaleen Ayyaana Fiichee Caambalaalaa utubaa tokkummaa fi waliin jireenya Itiyoophiyaa ta'anii kan tajaajilaniidha

Bitootessa 6/2018 (ENA)- Duudhaaleen Ayyaana Fiichee Caambalaalaa utubaa tokkummaa fi waliin jireenya Itiyoophiyaa ta'anii kan tajaajilani  waan ta’aniif  dagaagaanii fi eegamanii  ce’uu akka qaban  Deetaan Ministira Aadaa fi Ispoortii Nafiisaa Almaahiddii ibsan.

Fiichee Cambalalaan tokkummaa fi walooma lallabuun walitti hidhaminsi hawaasummaa cimuuf  qooda olaannaa  qaba.

Ayyaanni jijjiiraa bara haaraa Sidaamaa “Fiichee Cambalalaan” Hawaasaa “Sooressaa Gudumaalee”tti kabajamaa jira.

Sirna kabaja ayyaanichaarratti,  kan argamani deetaan Ministira  Aadaa fi Ispoortii Aadde  Nafiisaa Almaahiddiin Ashaaraa Seenaa qabeessa Uummata Sidaamaa  fi ibsituu eenyummaasaa kan ta’e  “ Fiichee Cambalalaan’ bara moofaa dhiisanii  ce’uun, Abdii ifaan bara haaraa kan itti simatan ta’uu  eeraniiru.

 

Duudhaawwan Ayyaanicha keesa jiran  tokkummaa fi waloma Itiyoophiyatiif utubaa ta’uun kan tajaajilu waan ta’aniif  eegamee fi dagaagee ce’uu akka qabu hubachiisaniiru. Ayyanichi Araarri kan itti bu’uu fi  haaloon kan itti dagatamu  waan ta’eef ijaarasa  nageenyaa fi tokkummaaf faayidaan qabu  guddaa ta’uu  hubachiisaniiru.

Ministeerichi Mootummaa Naannoo Sidaamaa walii qindoomuun, duudhaalee ayyaanichaa gabbisuu fi faayidaa  ijaarsa biyyaatiif akka oolan gochuuf hojii hojjetamu cimsee kan itti fufu ta'uu ibseera.

Deetaan Ministiraa kun balaa uumamaan dhiyoo kana Naannoo Kibba Itiyoophiyaa  Godina Gaamootti mudateen lubbuun namaa darbuusaatti gadda itti dhaga'ame ibsaniiru.

 

Deetaan Ministira Turiizimii Obbo Silashii Girmaa  gamasaaniitiin, Itiyoophiyaan Hambaalee kiliyyaa Addunyaa galmeessisuudhaan Afriikaa keessaa iddoo olaanaa  qabachuu ishee ibsaniiru.

Ayyaanni Fiichee Caambalalaa qabeenya biyyaa galmee qabeenya kiliyyaa Addunyaarratti galmaa'e ta'uusaa eeruun, Ayyaanichi  dameeTuurizimiitiif gumaacha guddaa kan qabudha  jedhaniiru.

Mootummaan badhaadhina mirkanessuuf xiyyeefannoo damichaaf kennuun hojjechaa jiraachuu ibsuun, bakkeewwan hawwata Tuuristii  misoomsaa jiraachuu  ibsaniiru.

 

Kanaaf, itti fufiinsa qabeenya kiliyyaa kanneen akka Fiichee Caambalalaa mirkaneessuuf kunuunsa barbaachisaa gochuu fi gumaacha dameen kun diinagdeef qabu guddisuun akka barbaachisu ibsaniiru.

Miniisteerichi Ayaana Naannoo Sidaamaa Fiichee Caambalalaa dabalatee qabeenya Tuurizimii Naannichatti argaman adda baasuun misoomsuuf  hojii eegalame deegarsa akka taasisu mirkaneessaniiru.