Gaazeexessaa Taarikuu Olaanaa du’aan Addunyaa kanarraa  boqote

Bitootessa 6/2018 (ENA) – Gaazexeessaan Raadiyoo Faanaa duraani kutaa afaan Oromoo kan ture Taarikuu Olaanaa addunyaa kanarraa du’aab boqoteera.

Gaazeexessaa Taarikuun bara 1957 Naannoo Oromiyaa Godina Wallagga Lixaa Aanaa Laaloo Assaabitti kan dhalate yoo ta'u, Yunivarsiitii Finfinneerraa Akkawuntiingidhaan digrii jalqabaa argateera.

Barumsa isaa akka xumureen gara Faanaa duraanii Faanaa miidiyaa koorporeeshiinii  ammaatti damee miidiyaatiin aadaa fi Afaan Oromoo gama guddisuutiin qoodasaa bahateera.

Gaazexeessaa Taarikuun  bultii kan dhaabbatee fi abbaa ijoollee durbaa lamaa kan ture yoo ta’u, dhibee isa mudateen yaalamaa turuun guyyaa kaleessaa umurii waggaa 61tti Addunyaa kanarraa du’aan adda ba'eera.

Sirni Awwaalchaa Gaazexeessaa Taarikuu guyyaa har’aa Finfinnee bataskaana Qacanee Madaanalamitti akka raawwatamu odeeffannoon maatiisaarra argame  ni mul’isa jechuun Korporeeshinii Miidiyaa Faanaa  gabaaseera.

ENAn Afaan Oromoo du’a Gaazeexessaa Taarikuu Olaanaatti gadda itti dhagahame ibsaa Maatii fi Firoottansaaf jajjabina hawwa.