Dhaloonni Duudhaa Fiichee Cambalaala ittifufsiisuu qabu- Bulchaa Naannichaa Dastaa Leedamoo

Bitootessa 6/2018 (ENA)-Dhaloonni  Duudhaa Fiichee Cambalaala qorannoo Saayinsiin deeggaruun ittifufsiisuu akka qaban Bulchaa Naannoo Sidaamaa  Dastaa Leedamoo ibsan.

 Ayyaanni Jijjiiraa bara haaraa Sidaamaa Fiichee Cambalalaan Hawaasaa“Sooressa Gudumaalee”tti kabajamaa jira.

Bulchaa Naannichaa Dastaa Leedamoo Ayyaanicharratti akka ibsanitti, Ayyaanni Fiichee Cambalalaa   Mallattoo qaroominaa  Abbootiin  keenya Sidaamaa adeemsa Urjiilee hordofuun  yeroo ittiin  lakkaa’anidha.

Duudhaa mandhaalee Fiichee Cambalalaa dhalootaaf ceesisuuf  dhalooonni ammaa  Qorannoo Saayinsiin Deeggarame   hojjechuun   irraa eeggama  jedhaniiru.

 

Ayyaanichi duudhaalee Nageenyaa, Jaalalaa fi dhiifamaa  kan of keessatti qabatee fi  tokkummaa fi walitti hidhaminsa uummataa   kan cimsu  ta’uu ibsaniiru.

Waloomni humna ida’amuu ta'uu isaa kaasuun, Ayyaanni Fiichee Caambalaalaa walitti bu'iinsa dhabamsiisuun dhiifamaa fi jaalalaaf xiyyeeffannoon  inni kennu, garaagarummaa caalaa waliin jireenyaaf gatii guddaa kan kennudha jedhaniiru.

 

Ayyaanichi ilmaan namaa qofaatiif osoo hin ta’iin   uumama dabalatee  kabaja addaa kan kennuu fi  nagaa fi tokkummaa biyyaatiif   gumaachi qabu   guddaa  ta’uu  dubbataniiru.

Hogganaan Aadaa, Tuuriizimii fi Ispoortii Nannichaa Obbo Jagoo Aganyoo  gamasaaniin, Ayyaanichi duudhaalee ofkeessaa qabu  dhalootaatti  dabarsuuf  hojiin  qo’annoorratti hundaa’e  hojjetamaa jira jedhaniiru.

Aadaa Abbootiin keenya tursiisan  Hayyoonni  karaa saayinsaawaa ta’een akka galmaa’u gochuu isaaniitiin, Ayyaanichi qabeenya kiliyyaa Addunyaa ta’uu danda’uu isaa fi waggaa waggaatti haala miidhagaan kabajamaa jiraachuusaa dubbataniiru.

Ayyaanicharratti Afa-yaa’ii Mana Maree Federeeshinii Aaganyoo Tashaagar dalabaltee  hoggantoonni olaanoon  Mootummaa  fi  bakka bu’oonni  uummata bakka argamanitti Ayyaanni  Fiichee Cambalalaan  kabajamaa jira.