Hojiiwwan naamusa dargaggootaa cimsanirratti Invasti gochuu qabna – Doktara Ergoogee Tasfaayee

Guraandhala 28/2018(ENA) - Hojiiwwan amala dargaggoota boru biyyattii gaggeessanii qajeelchuu danda’anirratti invasti gochuun dhimma filannoo hin qabne ta’uu  Ministirri  dhimma Dubartootaa fi  Hawaasummaa doktar Ergoogee Tasfaayyee ibsan.

Dirreewwan Ispoortii mala Ammayyaan haaromsi taasifamee fi meeshaaleen adda addaa guutameefii tajaajilli  giduugala naamusaa fi haaraan magaalaa Aggaarootti  hojjetame  hojii eegaleera.

Ministirittiin sagantaa jalqabsiisa tajaajilichaa irratti ergaa dabarsaniin, nagaa waaraa fi badhaadhina biyya keenyaatiif, dargaggoota har’as ta’ee boruu biyya  geggeessanirratti hojiiwwan amalasaanii ijaaruu danda’an irratti invasti gochuun dhimma filannoo hin qabne ta’uu dubbataniiru.

Gidduugalichi bu’aa hirmaannaa Mootummaa, Hawaasaa fi qaamolee deeggartootaa ta’uu Odeeffannoo Ministeerichi ENA’f  ergeen ibseera.

Dargaggoonni magaalattii fi naannoo ishee jiran giddugalichatti sirnaan akka tajaajilaman fi kunuunsa barbaachisaa akka taasisaniif dhaamaniiru.

Dargaggoonni amala gaariin ijaaramaanii, beekumsi isaanii gabbatee, harkisaanii dandeettii fi ogummaaa shaakalan  naannoosaanii bira darbanii badhaadhina biyyaatiif gumaacha guddaa akka taasisan ergaa isaanii dabarsaniiru.

Gidduugalichi Mana kitaaba Dijiitaalaa, Infoormeeshin teekinooloji (ICT) galma leenjii, bakka Ispoortii itti hojjetanii fi kaaffee fi tajaajila gorsaa kennuu haala danda’uun haaromsa amaayyaa’e  dabalatee, meeshaaleen adda addatiin guutamuusaa  mirkaneessaniiru.

Ministeerichi giddugalawwan naannoo birootti argaman bakka ispoortii qofa osoo hin taane, gara giddugala ijaarsa amalaatti akka jijjiiramaniif, akkasumas tajaajila guutuu, ammayyaa fi tajaajila hunda galeessa hedduu of keessatti qabatu akka kennan gochuuf qindoominaan akka hojjetamu dubbataniiru.

Fandii dhimma ummataa mootummoota gamtoomanii daarektarri (UNFPA)tti  daarektarri Itiyoophiyaa Koofii Kuwaamee gamasaaniin, tokkoon tokkoo dargaggeessaa  dandeettii dhalootaan qabu akka itti fayyadamuu danda’uuf, deeggarsa teeknikaa, meeshaalee fi ijaarsa dandeettii barbaachisaa ta’e akka taasisan ibsaniiru.