Injifannoon Adwaa Itiyoophiyaa qofaaf osoo hin taane,Uummata Afriikaa guutuuf  Injifannoo Ifni Abdii  itti mul’atedha   

Guraandhala 22/2018(ENA):-Injifannoon Adwaa Itoophiyaan humna koloneeffataa injifachuun bilisummuu Afriikaatiif abdii  bilisummaa kan itti labsite taatee mudannoo seenaa ta’uusaa  Daayirektarri Olaanaa Wiirtuu Nagaa Yuuneeskoo (UNESCO) Gaayi Jookan ibsan.

 Injifannoon Adwaa Itiyoophiyaanonni  tokkummaan  dhabbatanii  birmadummaa biyyasaanii kan kabachiisanii fi  bilisummaa uummata gurraacha hundaaf   madda qabsoo  (fakkeenya qabsoo)  ta’an injifannoo guddaadha.   

Guraandhala 23 bara 1888  Itiyoophiyaanonni   kaayyoo waloo tokkoof  hiriiruun  Loltoota  Xaaliyaanii  biyyattii   weeraruuf dhufan mo’achuun, injifannoo boonsaa hin dagatamne  yeroo itti raawwatanidha. 

Injifannoon seena-qabeessi kun waggaa waggaan  haala  ho’aan kan kabajamu yoo ta’u, bara kana  Ayyaanni Injifannoo Adwaa waggaa 130ffaan  mata duree “Seenaa boonsaa gara  abdii ifaatti”  jedhuun ni kabajama.

Daayirektarri Olaanaa Wiirtuu Nagaa Yuuneeskoo (UNESCO) Gaayi Jookan ENA’f akka ibsanitti; Itoophiyaan humna ishee koloneeffachuuf dhufe mo’achuun biyya addaa waan taateef, uummatni Afriikaa hundinuu beekuu fi itti boonuu kan qabu seenaa gootummaa galmeessiteetti.

Teessooon Gamtaa Afriikaa Finfinnee ta’uunsaa tasa osoo hin taane bu’aa Ashaaraa seenaa guddaa Itiyoophiyaan qabduun ta’uu Daarektarri kun  hubachiisaniiru.

 Itiyoophiyaan Injifannoo Adwaatiin olitti hundeeffama Gamtaa Afriikaa keessatti  hirmaannaa ho’aa taasisteen yaada Paan- Afriikaanizimiif  gabbisuuf biyya bu’uura guddaa  keesse ta’uushee  eeraniiru.

 Afriikaan xiyyeeffannoo biyyoota guddatanii harkisaa  dhufuushee kaasuun,  Ardiin kun  humna namaa fi qabeenya uumamaa bal’aa qabdu sirnaan fayyadamuun waltajjii Idil-Addunyaatti bakka isheef malu yeroon itti argattu  amma akka  ta’e ibsaniiru.

Itiyoophiyaan damee Misoomaan Afriikaaf fakkeenya ta’uun  damee Diinagdeen   Adwaa lammataa  dabaluuf  tattaaffiin  taasistu Ardichaaf  abdii guddaa  ta’uu eeraniiru.