Kaawunsiliin Industirii Oomishaa biyyoolessaa Industiriiwwan  Magaalaa Shaggar  keessatti argamanitti daawwanna dirree taasisa jira

Guraandhala22/2018(ENA):-Kaawunsiliin Industirii Oomishaa  biyyoolessaa Industiriiwwan Magaalaa Shaggar  keessatti argamanitti daawwanna  dirree taasisa jira.

Daawwannaa dirree kanarratti gorsan Diinagdee gooroo Ministira Muumee fi walitti qabaan Kaawunsilichaa Ambaasaddar Girmaa Birruu, Ministira Industirii Malaakuu Allabal,Ministira Qonnaa Addisuu Araggaa, Pirezidaantii Baankii biyyoolessaa Itiyoophiyaa Abbee Saanoo ,Hogganaa hojiiraawwachiisaa koorporeeshinii Misooma paarkota  Industirii Doktar Fisahaa Yittaaggasuu fi Hoggantoonni  Dhaabbiilee Miseensa Kaawunsilichaa argamaniiru.

 

Daawwannaan dirree kuni Industiriiwwan Oomishaa haala qabatanmaa  irra jiran daawwachuu fi rakkoowwan mudachaa jiraniif furmaata kennuuf kan kaayyeffate dha jedhaniiru.

Kaawunsiliin  Industirii Oomishaa  biyyoolessaa dorgomummaa damichaa guddisuuf, rakkoowwan humna omishaa fi hudhaawwan  jiran adda baasuun, furmaata kennuuf  kan dhabbatedha jedhaniiru.

Kawunsilichi ammaan dura Industiriiwwan omishaa bakkeewwan adda addaatti  argaman  haala sochii hojiisaanii  daawwachuunsaa ni yaadatama.

Omishtoonni  rakkoowwan Faayinaansiin, dhiheessii Aannisaan, bu’uuraalee misoomaan,  galtee fi hojmaataan isaan mudatuuf  deebii qabatamaa kennuun  omishaa fi omishtumma guddisuuf  hojjechaa jiraachuu  ibsaniiru.