Dirree Dawaatti Tajaajillii fi Dhaqqabamummaan Mana Murtii Aadaa  cimanii itti fufu-  Kantiibaa Kadir Juhaar 

Guraandhala19/2018(ENA):Dirree Dawaatti Manni Murtii Aadaa Murtii si’ataa  fi dhaqqabamaa tajaajilamtootaaf kennuun qooda murteessaa  gumaachaa  jiran  cimanii ittifufu jechuun Kantiibaan Bulchiinsa Magaalichaa Kadir Juhaar  ibsan. 
Bulchiinsa Magaalaa Dirree Dawaatti sirni  beekamtii  kennuu fi  Mana Maree  Mana  Murtii Aadaa hundeesuu  gaggeeffameera. 
Saganticharratti   kan argaman Kantiibaan Bulchinsichaa Kadir Juhaar  akka ibsanitti , Manni Murtii Aadaa  lammiileef tajaajila dhaqqabamaa kennuun, dhiibbaa baay’ina galmee  Mana Murtii idileerraa  hir’isaa jiru jedhani. 
Tajaajilli Haqaa akka fooyya’uuf  hojii abdachiisaan hojjetamaa jiru  caalaatti idileessuuf   hammattoo seeraa ittiin gaggeefaman   Mana Maree Bulchiinsichaan mirkanaa’ee  gara hojiitti galamuu beeksisaniiru. 
Kanaaf, Manneen  Murtii Aadaa hojii bu’aa qabeessa ta’e akka hojjetan  xiyyeeffannaan hojjetamaa jiraachuu eeraniii,hundeeffamuun mana marichaa tarkaanfii  murteessa ta’uu ibsaniiru. 

Hoogganaan  Biiroo Dhimma  Haqaa, tasgabbii fi  Seeraa   Bulchiinsa  Dirree Dawaa  obbo  AbduuSalaam Ahimad  gamasaniin,  adeemsa hoj-maataa  Manni Murtii Aadaa hordofan   Hawaasatti  dhiheenya qabaachusaa fi  tajaajila haqaa akka argatan gochuun, walitti dhufeenyi hawaasummaa akka cimu taasisaa jiraachuu ibsaniiru. 
Danbii fi hoj-maata Mana Murtii  Idileerraa adda  isaan tasisu adda  baasuun  hojii bu’aa qabeessa barbaadamu akka raawwataniif  deeggarsa barbaachisaan akka taasifamuufii  beeksisaniiru. 
Manneen Murtii Aadaa Seeraa fi duudhaa Aadaa  eeguunii fi  hariiroo hawaasaa Cimsuun    baay’ina hojii( galmee)  Mana Murtii Idilee  salphisaa jiraachuu  Pirezidaantiin  Mana Murtii

Oldabarfataa  Dirree Dawaa  obbo Najiib  Idiriis ibsaniiru. 
Dabalaataanis   qisaasama qabeenyaa fi yeroo  hanbisuun omishtummaan caalaatti akka dagaaguuf   kan gumaachu ta’uu eeruun,  beekmtiin har’a kennme  hojii caalu hojjechuuf  akka isaan dandeessisu  obbo Najiib  Idiriis himaniiru. 

Abbootii Amantaa fi Jaarsolii biyyaa beekamoo , Abootii Gadaa fi uztaazonnii fi hawaasni sadarkaasadarkaan jiran  miseensa Mana Maree Mana Murtii Aadaa ta’uusaanii   sirnicharratti ibsaniiru.