Shaampiyoonsi Liigii Awurooppaatti   calallii taphoota  mo’atanii darbuu  

 
Guraandhala 17/2018(ENA): Shaampiyoonsi Liigii Awurooppaatti  calalliin tapha mo’atanii darbuu har’a taphoonni  deebii  Afur gaggeeffamu.  
Maanchistar Yuunaayitid Evartaniin mo’achuun sadarkaasaa gara 4tti ol guddiseera.  
Galgala sa’aatii 5:00tti Intarmiilaan Boodoo Giliimit waliin Istaadiyeemii  Saansirootti taphatu.
Kilaboonni lamaan  tapha marsaa jalqabaa gaggeessaniin   Boodoo Giliimitiin 3 fi 1n injifachuunsaa ni yaadatama. 
Intarmiilaan gara mo’atanii darbuutti ce’uuf garaagarummaa galchii  lamaa  oliin  injifachuun  irraa eegama. 
Morkataansaa  Boodoo Giliimiti injifachuu, qixaan adda bahuu fi garaagarummaa  galchii  1’n  mo’amuun  gara 16tti makamuuf  isa dandeessisa.    

Sagantaa biroon Niwuukaastil Yuunaayitid Kaarabag waliin galgala sa’aatii 5:00tti Istaadiyeemii  Seenti Jeemsi Paarkitti  ni taphatu. 
Tapha jalqabaan Niwukastil Yuunaatitid 6 fi 1’n kan mo’ate carraan darbuusaa bal’aadha.
Faallaasaan morkataansaa Kaarabag tilmaama jiruun carraan gara mo’atanii darbuutti  ce’uu  dhiphaadha. 
Baayer Leeverkusen, Oloompiyaas waliin galgala sa’aatii 5:00tti Istaadiyeemii  Bayii  Areenaatti taphatu. 
Baayer Leeverkusen Jarman tapha marsaa jalqabaatiin   dirreessaan alatti 2 fi 0’n mo’achuunsaa ni yaadatama. 
Bu’aa kana hordofuun   carraan  tapha itti aanuuf qabu  bal’ateera. 
Oloompiyaakos Giriik gara mo’atanii darbuutti ce’uuf garaagarummaa galchii 2 oliin mo’uu qaba. 
Galgala sa’aatii 2:45’n Atileetikoo Maadiriid Kilab Biruuzyi waliin Istaadiyeemii  Wandaa Meetiropoliitanootti  taphatu. 
Kilaboonni lamaan tapha jalqabaa torban darbe gaggeessaniin sadii qixaan adda bahaniiru. 
Gareen tapha har’aa  mo’atu mo’atanii darbuutti ce’a.