Sagantaan Ashaaraa Magariisaa omishaa fi Omishtummaa bunaa guddiseera

Guraandhala16/2018(ENA): Sagantaan Ashaaraa Magariisaa omishaa fi Omishtummaa bunaa guddisuurratti  gahee olaanaa bahachaa jiraachuu qooda fudhattoonni damichaa ibsan. 
Itiyoophiyaan bara baajataa 2017 buna toonii  kuma 469 Gabaa Addunyaaf erguun  galii doolaara biiliyoona 2.65 argachuun ishee kan yaadatamu yoo ta’u,  bara baajataa  2018  buna toonii kuma 600 gara alaatti erguun  galii doolara biiliyoona  3 ol argachuuf  karoorsitee hojjechaa jirti. 
Qaamoleen damicharratti bobba’an ENA’f akka ibsanitti,damee qonnaan omishtummaa bunaarratti  bu’aa  gaarii galmeessisuuf   hojiin eegumsa qabeenya uumamaa  murteessaa  ta’uu  mirkaneessaniiru.

Naannoo Oromiyaatti Al-ergii fi Oomisha Bunaa irratti kan hirmaatan obbo Faxxanaa Yewaalaasheet hojiin qabeenya uumamaa keessumaa Ashaaraan Magariisaa  qooda guddaa gumaachuu  dubbataniiru. 
Waggoottan darban  Sagantaan Ashaaraa Magariisaa  itti fufinsaan hojjetamuunsaa  buna omishuuf  sirna ekkooloojii fi haala qilleensaa mijataa ta’e uumuu dandeessisuu  dubbataniiru. 

Naannoo Kibba Dhiha Itiyoophiyaatti hojii damee bunaarratti kan bobba’an   Andu’aalam Fantaa gamasaaniin Sagantaan Ashaaraa Magariisaa  omishtummaa bunaa guddisuurratti  jijjiirama guddaa fidaa jira jedhaniiru. 
Kun ta’uusaan Magantaa Ashaaraa Magariisaarratti miseensonni waldichaa  bal’inaan hirmaachuun  misoomicha deeggaraa jirra  jechuun  ibsaniiru. 

Bakkeewwan biyyattii adda addaatti omishtummaa bunaa  guddisuuf qabeenya uumamaa eeguun  murteessaa ta’uu  kan ibsan  naannoo Sidaamaatti hojii  buna dhiheessuurratti   kan bobba’an  Abaataa Kiishooti. 
Yaada kennitoonni   Sagantaa Ashaaraa Magariisaa bara kanaaf biqiltuuwwan bunaa  Sanyii fooyya’oo dhaabbiif qopheessaa jiraachuu dubbataniiru. 

Itti Aanaan pirezidaantii Waldaa Buna Itiyoophiyaa Zarihuun Qaamiisoo  gamasaaniin   Sagantaan Ashaaraa Magariisaa   guddina diinagdee  biyya keenyaa    ariifachiisuu  keessatti  qooda  guddaa qabaachuu  beeksisaniiru. 
Sagantaan Ashaaraa Magariisaa  akka  biyyaatti erga hojiirra ooluu jalqabee   biqiltuuwwan bunaa biiliyoona 8 ol  dhaabbachuusaanii   himaniiru.