Walga’iin  Idilee mana maree  hojii raawwachiiftuu Gamtaa Afriikaa 48ffaan xumurameeera 

Guraandhala 5/2018(ENA)-Walga’iin  Idilee mana maree  hojii raawwachiiftuu Gamtaa Afriikaa 48ffaan  har’a  xumurameeera. 

Yaa’iichi  mata duree “ dhiheessii Bishaanii fulla’aa fi Sirna qulqullina nageenyisa eegame mirkaneessuu milkaa’ina galma Ajandaa 2063f’’ jedhuun kaleessaa eegalee teessoo gamtichaa Finfinneetti   gaggeeffamaa tureera.

Ministiroonni dhimma Alaa biyyoota Afriikaa, Dippiloomaatonnii fi Hoggantoonni Dhaabbilee Gamtichaa  hirmaataniiru.

 

Manni Marichi  Ajandaawwan  yaa’ii koree dhaabbii  bakka  Gamtaa Afriikaa 51ffaa   baatii Amajjii   bara 2018  irratti marii’aterratti  marii gaggeesseera.

Manni maree hojii raawwachiiftuu Guraandhala 7 fi 8 bara 2018 yaa’ii Hoggantoota Gamataa Afriikaa 39^ffaarratti Ajandaawwan dhihaatan   mirkaneesseera.

 Walga’iin Mana Marichaa Dhaabbileen Gamtaa Afriikaa fi caasawwan, koreewwan mana marichaa jalatti argamani fi  koreewwan xixiqqaa  akkasumas, gabaasa raawwii Ajandaa 2063  dhaggeeffateera.

 Nageenya bishaanii fi   eegumsa qulqullinaa, hojiirra oolmaa Ajandaa 2063 fi walitti hidhaminsa Ardii Misooma Diinagdee fi Hawaasummaa, Misooma qabeenya namaa , Riifoormii dhaabbataa fi  faayinaansii, michummaa  riijinii fi qooda Afriikaan waltajjii Addunyaarratti qabdu yaa’ichi ajandaawwan irratti marii’ate  keessatti kan  eeramanidha.

Hirmaannaa Afriikaan yaa’ii hoggantoota biyyoota Miseensota Garee20

(G-20)A.L.A.bara2025nAfriikaa Kibbaatti gaggeeffamerratti qabdu  gamaggamameera.

Manni marichi   yaa’ichaan  filannoowwan gaggeesuun    gurmaa’insawwan Gamtaa Afriikaaf  namoota muudaman  filateera.

Somaaliyaan Miseensa Nagaa fi tas-gabbii Gamtaa Afriikaa taatee filatamteetti.

Gamtaan  Afriikaa qaama  riifoormii  furtuu humna namaa  kan ta’e   irratti , oditii dandeettii fi madaallii gahumsaa  sadarkaa irra jirurratti marii’ateera

Hammattoo seeraa fi  Dhimma Bulchiinsaarratti  marii’ateera.

Angoolaan dura teessummaa Mana Maree Hojii-raawwachiiftuu Gamtaa Afrikaa yeroo ammaa Buruundiitti dabarsiteetti.

Ministirri dhimma alaa  Angoolaa  fi  durataa’aan yeroo Aangoosaanii xumuran  Ambaasaaddar Teetee  Antooniiyoo  manni marichi   ajandaawwan ardii adda addaarratti   marii’achuun milkaa’inaan xumuruu  hubachiisaniiru.