Iiziin  duula addaa  aggaammiiwwan taassifaman  ittisuun  Iizii haala  jijjiirudha

Guraandhala 2/2018(ENA) -  Iiziin  duula addaa  lootee galtootaa fi shororkeessitoota hordofuun  dhabamsiisuunii fi shirasaanii dursee fashaleessuun  aggaammiiwwan  keessaas ta’e alaa  taassiffaman ittisuurratti  Iizii haala  jijjiiru ta’uu Leetenaal Jeneraal Shuumaa Abdataa  hubachiisan.

 Ajajaan Iizii duula addaa   Leetenaal Jeneraal Shuumaa Abdataa  hundeeffama waggaa 65ffaa Iizichaa  ilaalchisuun  ibsa kennaniiru.

Ibsa isaaniin, ayyaanni hundeeffamaa qophiiwwan adda addaan  Guraandala 7 hanga 15 bara 2018  magaalaa  Hawaasatti  qophiiwwan adda addaan akka  kabajamu beeksisaniiru.

 

Yeroo kabajichaa  Iizichi waggoottan kurnan jahan darban  injifannoowwan galmeessise  ni yaadatamuun ni kabajamu jedhaniiru.

Iizichi nageenya biyyaa kabachiisuurratti  gootummaa fi  cimina  qabu  qabatee   kan itti fufe, dhaloonni ammaas qabsoo kana  dhaloota itti aanu akka dhaalchisanii fi  ciminoota qaban   cimsanii akka ittifufsiisan  dandeessisa jedhaniiru.

 

Komaandoo, humna qilleensaa fi humna addaa farra shororkessitootaa qormaata adda addaa kan darbanii fi cimaa kan dhufan waan ta’aniin olitti, humna diinaa kan cabsanii fi ggootummaan biyya kan boonsan raawwachuu isaaniis eeraniiru.

Iiziin duultota addaa lootee galtootaa fi shororkeessitoota hordofee barbadeessuu fi shira isaanii dursanii fashaleessuun haleellaa keessaa fi alaa ittisuu irratti gahee olaanaa bahataniiru jedhani.

Kanaaf, waggaa 65ffaan hundeeffama ajaja kanaa Guraandhala 7 fiigicha daandii kiiloo meetira 10 Hawaasaatti gaggeeffamuun akka eegalu akeekaniiru.

 

Eebba kitaabaa fi asxaa, agarsiisa suuraa fi mariin paanaalii, akkasumas taateewwan biroo Guraandhala13 irraa eegalee akka kabajamu akeekaniiru.

Qeerramsoonni didiimoo kunniin kanneen hin jilbeffanne,qilleensaarraan, lafaa fi bishaan irratti agarsiifni dheyeessan ayyaanicha kanneen miidhagsan keessatti ramadamu.

 

Kabajni ayyaanichaa Guraandhala 15/2018 Istaadiyeemii Hawaasaatti taateewwan addaa fi sirna guddaa waliin kan gaggeeffamu ta’uu odeeffannoon Miidiyaa oonlaayinii Raayyaa Ittisaa ENA’f erge ni mul’isa.