Waggoottan darban misooma qabeenya beelladaa guddisuuf hojiilee hedduun hojjetaman bu'aa qabatamaa agarsiisaa jiru.

Guraandhala 1/2018 (ENA) Waggoottan darban misooma qabeenya beelladaa guddisuuf hojiilee hedduun hojjetaman bu'aa qabatamaa  galmeessisuusaanii Ministeerri Qonnaa  beeksise.

Sosochii sagantaa maaddii guutuu Ministira Muummee Doktar Abiyyi Ahimadiin  ifoome sagantaa biyyoolessaa yoo ta'u,kaayyoonsaa inni guddaan misooma  beelladaa fi bu'aa beelladaa  guddisuun wabii nyaataa mirkaneessuudha.

sosochiin kun Qonna Idilee baadiyaarra darbee Qonna Magaalaa

akka utubaa Diinagdee tokkootti Fayyadamuun   Magaalotatti qaala'insa jireenyaa bu'uuraraa furuuf kan kaayyeffatedha.

Itiyoophiyaatti birmadummaa nyaataa mirkaneessuu fi sadarkaa jireenya lammiilee fooyyessuuf  sagantaan maaddii guutuu bocame  Magaalittiitti bu'aa qabataa fidaa jira.

Ministeera Qonnaatti dursaan hojiiraawwachiistuu  misooma beelladaa fi qabeenya qurxummii Aadde Tsiggeredaa Fiqaaduu akka ibsanitti, xiyyeeffannoo addaa mootummaan damichaaf kenneen Imaammannii fi tarsiimoon bocaman bu'aa fiduu eegalaniiru.

Sagantaan maaddii guutuu fedhii sirna nyaataa lammiilee guutuuf bocame misoomni  Foonii,Killee,Dammaa fi Aannanii akka dabaluuf faayidaa guddaa gumaachuusaa dubbataniiru.

saganraan kun keessumaa fayyadamummaa dubartootaa fi dargaggootaa sadarkaa olaanaan guddisuusaa eeruun, waggoottan darban tajaajila fooyya'insa sanyiin jijjiramni argame abdachiisaa ta'uu ibsaniiru.

Horii gaafaa diqaalomsuun  hojiin hojjetameen  ammaan dura tajaajilli  horii kuma 5 qofaatiif  kennamaa kan ture yeroo ammaa  gara miiliyoona  3 tuqaa 8tti ol guddachuusaa  dubbataniiru.

Milkaa’inoota kana babal’isuuf  dameeleen hedduun dhaabbatanii  xiyyeeffannoon hojjetamaa jiraachuu   eeraniiru.

Sanyiiwwan foyya’oo fayyadamuu ilalchisee  milkaa’inni argame   jijiirama omishaa guddaa  galmeessuu eeruun, fakkeenyaaf cuucii guyyaa tokkoo  raabsuun miiliyoona  26 irraa gara  miiliyoona 136tti ol guddachuun  omisha killee fi  foonii  guddiseera jedhaniiru.

Kanan wal qabatee  itti fayyadamni Aananii  namoota dhuunfaa  waggaatti dabaluusaa  kan ibsan yoo ta’u ,  bu’aan kun ulaagaa  bu’aa beelladaa nama tokkoof barbaachisu   dhaabbilee  fayyaa Idil -Addunyaatiin kaa’ame galma ga’uuf milkaa’ina gudddaa  ta’uu  eeraniiru.