Itiyoophiyaa fi Gamtaan Awurooppaa  damee  Aanniisaan  tumsasaanii cimsuuf  akka  hojjetan ibsan 

Amajjii 20/2018(ENA)- Itiyoophiyaa fi Gamtaan Awurooppaa  tumsa gamlamee damee inarjiin qaban  gabbisuuf akka  hojjetan  beeksisan.

Minstirri Maallaqaa Obbo Ahimad Shidee walga’ii Ministirootaa Inisheetivii Gaanfaa Afriikaa 27ffaa irratti hirmaachuuf har’a Somaaliyaa Moqaadishoo dhaqaniiru.

Ministirri Maallaqaa walga’ichaan dura Itti Aantuu Daarektara Jeneraalaa Tumsa Idil-Addunyaa Komishinii Awurooppaa Meriyaam Feeraan waliin mari’ataniiru.

Waltajjicharratti Ministirichii fi Itti Aantuun Daarektara Jeneraalaa  dhimma tumsa  biyyoota lamaanii cimsuu danda’an irratti  kan mari’atan yoo ta’u, Gamtaan Awurooppaa qaama Inisheetivii Gaanfa Afriikaa kan ta’e  koriidara Geejibaa Itiyoophiyaa fi Jibuutiif deeggarsa Faayinaansii taasifamu ilaalchisuun waliigalteerra ga’aniiru.

 

Gamtaan Awurooppaa deeggarsa Riiformii Dinagdee gooroof  taasisu  cimsuu akka qabu  waliigalteerra ga’ameera .

 

Minstirri Maallaqaa Obbo Ahimad Shidee Gamtaan Awurooppaa deeggarsa Itiyoophiyaatiif taasisaa jiru dinqisiifataniiru.

Keessumaa deeggarsa Gamtichi Ejensii Misoomaa Faransaayii fi Baankii Invastimantii  Awurooppaa waliin ta’uun  dhiheessii  sararoota humna Elektirikaa Itiyoophiyaa Aanniisaa Haaromfamaa fi Teekinooloojii Dijiitaalaan ammayyeessuun, dhiheessii annisaa fulla’aa fi nageenyisaa mirkanaa’eef  sagantaa (RISED)’f taasisu akka fakkeenyaatti kaasaniiru.

 Walga’iin Ministeerota Inisheetivii Gaanfa Afriikaa 27ffaan Bu’uralee  dhiheessa Humnaa fi hojiiwwan  walitti hidhaminsa Aannisaa Riijiniif dhiheessii faayinaansii guddisuun, dhiheessii Aannisaa Amansiisaa fi  Madaalawaa  mirkanaa’uu haala  danda’umuratti kan marii’atan ta’uu odeeffannoo Ministeerri Maallaqaa ENA’f ergeen  beeksiseera.