Lakkoofsi Dhaabbilee Diinagdee Ce’umsa Caaseffama Dinagdee  saffisiisuuf  ni gargaara

Amajjii14/2018(ENA)-Lakkoofsi  Dhaabbilee Dinagdee  Milkaa’inoota damichaan argaman itti fufsiisuu fi ce’umsa Caaseffama Diinagdee saffisiisuuf  kan deeggaru ta’uu  Tajaajilli Istaatistiksii   Itoophiyaa beeksise.

Tajaajilichi ogeessota Lakkoofsa Dhaabbilee Diinagdee marsaa 2ffaa bakkeewwan biyyattii adda addaatti gaggeeffamurratti hirmaataniif Leenjii Ijaarsa dandeettii kennuu  eegaleera.

Tajaajilla Istaatistiksii  Itoophiyaatti Qindeessaan teeknikaa Lalisaa Bashoo haasaa BaninsaaLeenjicharrattitaassisaniin, lakkoofsi dhaabbilee Diinagdee  gaggeeffamuun  qaamoleen murtii kennan  odeeffannoo qulqullina qabu  bu’uura godhatanii  kennuuf  ni gargaara  jedhaniiru.

 Lakkoofsichaan Intarpiraayizoonni Olaanoon,Gidduugaleessaa fi  xixiqqaan  guutuu biyyattii keessatti argaman kan hammataman yoo ta’u, lakkoofsichi magaalota hundatti manaa manatti irra deemuun , baadiyaatti immoo  saamuda  fudhachuun   ni gaggeeffama jedhaniiru.

Lakkoofsi dhaabbilee Diinagdee Milkaa’inoota damichaan argaman   ittifufsiisuu fi  caaseffama Ce’umsa Diinagdee  saffisiisuuf  akkasumas yaadawwan imaammata filannoo maddisiisuuf shoora guddaa qabaachuu  hubachiisaniiru.

 

Naannoo Oromiyaarraa Lakkoofsa Dhaabbilee Diinagdeerratti kan hirmaatan Baaleerra, Baalee Bahaa, Arsii Lixaa, Boorana Bahaa akkasumas Nannoo Somaaleerraa godina Liiban  keessaa kan dhufan  ogeeyyiin damichaa734 tiif leenjiin kan kennamu ta’uu  kaasaniiru. 

Lakoofsichi Imaammataa fi Tarsiimoowwan damichaan qophaa’aniif  galtee sirrii argachuuf  akka gargaaru eeruun, hirmaattonni leenjichaas  leenjii kennamu sirnaan hordofuun itti gaafatamummaasaanii akka bahan dhaamaniiru.

 

 Hogganaan Waajjira Tajaajila Istaatistiksii Itoophiyaa damee Baalee Gobbaa Shimallis Asaffaa gamasaaniin, leenjichi namoonni  Ragaa  walitti qaban beekumsa odeeffannoo Amanamaa walitti qabuuf  isaan dandeessisu argachuuf  ni  gargaara jedhaniiru.

 Lakkoofsi dhaabbilee Dinagde guutuu biyyattiitti  Fulbaana 1 bara 2018 eegalee gaggeffamaa  jiraachuun ni beekama.