​​​​​​​Dursaan Liigichaa Arsenaalii fi Notingihaam Fooresti qixaan adda bahan

Amajji 10/2018(ENA)- Tapha Piriimar liigii Ingliz sagantaa torban 22ffaan  Nootingihaam Foorestii fi Arsenaal gaggeessaniin  galchii malee qixaan  xumuranii adda  bahaniiru.

Tapha galgala Isataadiyeemii Siitii Giraawunditti gaggeeffameen  caalmaa fudhatee taphachaa kan ture Arsenaal carraa galchii argate osoo itti hin fayyadamiin hafuunsaa  qabxii 3 isa dhabsiiseera.

Carraa galchii tapha walakkaa jalqabaatti Martiineeliin hin milkaa’iin hafe kan eeramudha.

Morkataansaa Nootingihaam Fooresti gara duubaatti deebi’uun ittisuu fi tooftaa deebanii taphachuu  qabatee  seenuun  galchii osoo hin keessummeessiin hafeera. 

Bu’aa qabxii hordofuun dursaan liigichaa Arsenaala qabxiisaa gara 50 ol  guddiseera.

Arsenaal qabxii galmeesserratti hundaa’uun garaagarummaa qabxii hordofasaa Maanchistar Siitii waliin qabu gara  torbaatti ol guddiseera.

Arsenaal tapahoota liigii lamaan darbanitti injifachuu dadhabee galchii hin lakkoofsisne.

Nootingihaam foresti Liigichatti qabxii 22n sadarkaa 17ffaa qabateera