Dorgommii Maraatoonii Dohaatti Atileetonni Itiyoophiyaa koorniyaa lamaaniin injifatan

Amajjii 8/2018 (ENA) - Dorgommii Maraatoonii har’a ganama Kuwaatar Dohaatti gaggeeffameen Atileetonni Itiyoophiyaa koorniyaa lamaaniinuu injifataniiru.

Dorgommii ramaddii dhiirotaan gaggeeffameen, shaampiyoonaa Olompikii kan ta’e Atileet Taammiraat Tolaan rikoordii bakkichaa fooyyessuun injifateera.

Atileet Taammiraat dorgommicha xumuruuf sa’aatii 2 fi daqiiqaa 5 fi sekoondii 40 kan itti fudhate yoo ta’u, kunis rikoordii Maraatoonii Dohaa bakkichaa ta’ee galmaa’eera.

Atileet Taammiraat Tolaa hordofuun Atileet Asaffaa Bokii 2ffaa, Bokii Dirribaa 3ffaa, Dinqaalam Ayyalaa 4ffaa akkasumas Balawu Yihunee sadarkaa 5ffaa qabachuun dorgommicharratti olaantummaa Itiyoophiyaa argarsiisaniiru.

Haaluma walfakkaatuun dorgommii ramaddii dubartootaan gaggeeffameen Atileet Tigisti Gazzaahanyi dorgommiishee dursuun kan xumurte yoo taatu, Atileetii biroon Tigisti Girmaa 2ffaa, akkasumas Muluuhabti Tsaggaa sadarkaa 3ffaa qabachuuun Maraatoonii Dohaa olaantummaan xumuraniiru.