Guddina Faayinaansii Itiyoophiyaatti

Amajji 7/ 2018 (ENA) – Ministirri Muummee FDRI doktar Abiyyi Ahimad Konfiraansii tarsiimoo Faayinaansii waggoottan shanan itti aananii fi gamaaggama raawwii qophaa’eeratti argamaniiru.

Konfiraansii mata duree ‘’Guddina Faayinaansii Itiyoophiyaatti’’ jedhuun qophaa’ee fi dhaabbileen 6n faayinaansii fi sirna galii dursaa jiran gamaaggama raawwii hojii fi tarsiimoo faayinaansii waggoottan 5n itti aanaan irratti daawwannaa duraa gaggeessan irratti doktar Abiyyi Ahimad argamaniiru.

Itiyoophiyaan waggoottan shanan darban faayinaansii hammataa guddina qabatamaa argamsiisee fi Riifoormii Diingadee Gooroo ga’umsa bal’aa qabu gaggeessiteetti.

Sirna sharafa alaa gabaan durfamuu hanga jalqabbii fooyyeessii diingadee mandhalee fi sirna kaffaltii Diijitaalaa, waggoottan shanan darban keessa mootummaan dorgomtummaa damee Faayinaansii guddisuuf tarkaanfii bu’aa qabeessi agarsiiftuu milkaa’inaa ta’uu ibsameera.