Tapha Xumura Walakkaa  Waancaa Kaaraabaa’oon  Arsenaal  Cheelsii injifate

Amajjii 7/2018(ENA)- Sagantaa Tapha Xumura Walakkaa  Waancaa Kaaraabaa’oon   Arsenaal  Cheelsii 3 fi 2n  mo’ateera. 
Tapha galgala Istaadiyeemii Istaamfoordi Biriijitti gaggeeffameen Beenwaayit, Viiktorii Yookoreeshii fi Martiin Zubimeendi  galchii injifannoo lakkoofsisaniiru. 
 Alihandiroo Garnaachee galchii Cheelsii lakkoofsiseera. 
Taphichaan Arsenaal carraa galchii dabalataa lakkoofsisuu argatee itti hin fayyadamne. 
Leenjisaa haaraan Cheelsii Liyaam Rosinaayer tapha jalqabaan mo’ameera. 
Taphataan sarara Fuulduraa Arsenaal Viiktor Yookoreesh taphataa cimaa ta’ee filatameera.  
Taphni   deebii kilaboota lamaanii Amajjii 26 bara 2018 gaggeeffama. 
 Tapha   Xumura Walakkaa Waancaa Kaaraabaa’oo   Kaleessa gaggeeffame biroon Maanchistar Siitiin  Niwuukaastil Yuunaayitidiin  2 fi 0n  injifateera. 
 Taphni  deebii Amajjii 27 bara 2018 gaggeeffama.