Naannichatti lafa Asiidummaa Biyyeen miidhame Xaa’oo uumamaa fi Nooraan wal’aanuun gara omishaatti galchuuf xiyyeeffannoon kennameera 

Amajjii1/2018 (ENA)-Naannoo Oromiyaatti lafa Asiidummaa Biyyeen miidhame Xaa’oo uumamaa fi Nooraan wal’aanuun gara omishaatti galchuuf xiyyeeffannoon kennamuu Biiroon Qonnaa Naannichaa ibse. 
Biirichatti Daarektarri fooyya’insa gabbina biyyee Isheetuu Laggasaa ENA’f akka himanitti omishaa fi omishtummaa Qonnaan bultootaa guddisuuf gabbina biyyee fi fayyummaasaa eeguuf xiyyeeffannoon kennameera.
Keessumaa  Lafa Asiidiin miidhame xaa’oo uumamaa fi  Nooraan  wal’aanuuf qonnaan bulaaf hubannaa uumuu fi  deeggarsi ogummaa  taassifamaa jira jedhaniiru. 
Naannichatti lafti hektaarri miiliyoona 2 tuqaa 3 Asiidummaa biyyeef saaxilamuu  ibsuun  rakkicha furuuf  laficha xaa’oo uumamaa fi  Nooraan wal’aanuuf  hojjetamaa jiraachuu ibsaniiru. 
Xaa’oon uumamaa kun Kompoositii fi varmii kompoositiin akkasumas baayoogaaziin, hafteewwan omishaa fayyadamuun   qophaa’aa jirachuu  dubbataniiru. 
Bara baajatichaatti  adeemsa hanga ammaan  meetirkiyuubikii 100 ol Xaa’oon uumamaa  qophaa’ee  tajaajilarra  oolaa jira jedhaniiru. 
Dhiheessii nooraa guddisuuf Waarshaa Nooraa Gudaritti  baabura lama  guyyaatti  kuntaala