Godinichatti Misoomni Dammaatooniin kuma 12 fi 600  ol  gabaaf dhihaateera

Amajjii1/2018(ENA)- Godina Walagga Bahaatti bara baajatichaatti  Omishni Dammaa tooniin kuma 12 fi 674 gabaaf akka dhihaatu  waajjirri Qonnaa Godinichaa beeksise.

Naannoo Oromiyaatti Innisheetifoota misoomaa haaraa bocamanii hojjetamaa jiran keessaa misoomni Dammaa  tokko dha.

 Godinni Wallaga Bahaa Godinoota misooma dammaaf mijatoo jedhaman keessaa tokko dha.

Waajjira Qonnaa Godinichaatti Itti Gaafatamaan kutaa kunuunsaa fi  misooma Beelladaa Addisuu Duubee  haala Qilleensaa  mijataa fi Qabeenya bosonaa  fayyadamuun  hanga  misooma dammaa  guddisuuf   hojjetamaa jira  jedhaniiru.

 

Bara baajataa qabametti damma toonii kuma12 fi674 gabaaf dhiheessuuf karoorfamee hojjetamaa jiraachuu kaasuun,hanga ammaatti  tooniin kuma 8 ol  gabaaf dhihaachuu  ibsaniiru.

Karoora qabame miilkeessuuf Gaagura Ammayyaa qonnaan bulaaf bal’inaan dhiheessaa jiraachuu ibsaniiru.

Bara baajataa qabame kanatti qofa gaagura ammayyaa  kuma 2 fi 500n  qonnaan bulaaf kan dhihaatan yoo ta’an walii gala gaagura cehumsaa   kuma 38 fi  147  fi  gaagura Aadaa  kuma 84 fi 961  hojiin  horsiisa kaannisaa hojjetamaa jiraachuu  dubbataniiru.

Godinichatti qonnaan bultoonni kuma26 ol hojii misooma kaannisaarratti bobba’uusaanii ibsuun, omishtoonni damma biroon  Godinichatti Aanaa Diggaatti akka argaman  ibsaniiru.

Itti gaafatamaan waajjira Qonnaa Aanaa Diggaa Obbo Yisihaaq Addisuu , Aanichatti  gaagura ammayyaa  kuma22 fi 500n  hojiin  kaannisa horsiisuu ammayyaa hojjetamaa jirachuu  ibsaniiru. 

 

Barabaajatichaatti baatiiwwan6n darbanitti,dammi tooniin820  omishamee gabaaf dhihaachuu  ibsuun  , Aanichatti Qonnaan  bultoonni kuma 13 fi  760 hojii horsiisa kaannisaarratti  bobba’anii jiraachuusaanii ibsaniiru.

Qonnaan bultoota Aanichaa waldaan gurmaa’uun Damma Omishan keessaa MaammooUummataa  fi hiriyoonnisaa torba gaagura ammayyaa 50n hojii horsiisa kaannisaa hojjechaa jiru.

Waggoottan darban  dammi kiiloogiraamiin 120  gabaaf dhiheessuu sanii ibsuun   bara kana damma   kg 200  gabaaf dhiheessuuf  qophaa’aa  jiraachuu  ibsaniiru.

Jiraataan Aanichaa biroon obbo  Biraanuu Hinkoo, Gaagura ammayya 7 qabaniin  hojii kaannisa horsiisuu  hojjechaa kan jiran yoo ta’an  bara kana damma  kg 40 gabaaf dhiheessuusanii dubbataniiru.