Hojiiwwan Misooma Turiizimii Godina Jimmaatti hojjetamaa jiran guddina damichaaf  haala mijataa uumaa jira 

 
Mudde30/2018(ENA)- Hojiiwwan misooma Hawata Turiizimii Godina Jimmaatti  hojjetamaa jiran  bakkeewwan gahumsaa mijataa uumuusaanii  Qajeelchi Aadaa fi Tuuriizimii Godinichaa  ibse. 

Godinni Jimmaa Qabeenya uumamaa fi namtolcheen kuufamaa dilbii kan qabdu yoo ta’u, bakkeewwan Hawata Tuurizimii Itiyoophiyaa keessaa  tokko dha. 

 

Jimmi omishni godina bunni qulquulina olaanaa qabu keessatti argamu keessaa tokko yoo ta’u, yeroo dhihoo asitti,  ooyruuwwan bunaa fi  adeemsa qophiisaa daawwattootaaf banaa taassisuun tuurisimii bunaa  guddisuuf hojjetamaa jira. 

 Hedduumminni  Bosonaa Godinichatti argamu  Haala mijataa Tuurizimiif yookiin  Ikkoo -Turiizimiif  uumeera. 

Itti Gaafatamaan Qajeelcha Aadaa fi Turiizimii Godina Jimmaa Nimeerii Abbaatamaam ENA’f akka ibsanitti,  tokkoon tokkoo Aanaa  yoo xiqqaate  bakkeewwaan gahumsa Turistii  tokko akka  qabaatuuf  hojiiwwan misoomaa bal’aan hojjetamaa jiru.

 
Hanga ammaatti  Aanaawwan ijaarsi haaraa 21 keessatti eegalaman keesssatti 3 xumuramuun fayyadamtootaaf banaa ta’uusaanii eeraniiru. 

Isaanis Aanaawwan Nadhii Gibee, Limmuu kossaa fi Limmuu Gannat ta’uusaanii eeruun, bakkeewwan biroos adda baasuu, baajata qabuu akkasumas hojiin misoomsuu eegaluu ibsaniiru. 
Bakkeewwan Hawwata Turiizimii Godinichatti argaman Tuuristoota biyya keessaa fi biyya alaaf  beeksisuuf hojjetamaa jiraachuu  dubbataniiru.
 
Yaa’insa Tuurizstii dabaluu fi turtii daawwattootaa dheeresuuf  bu’uuraaleen misoomaa murteessaa waan  ta’eef  Magaalaa Jimmaatti  Hoteelota Sadarkaasaanii eeggatan akka ijaaraman   taassifamuu ibsaniiru. 

Dabalataanis  Godinichatti  Aanaawwan 40n hojiin  bu’uuraalee misoomaa  Daandii guutuu hojjetamuu ibsuun, bakkeewwan gahumsa Tuurizimii  misooma Koriideraa waliin  wal qabsiisuun  hanga qe’ee qonnaan bulaa geessisuuf  hojjetamaa jira jedhaniiru. 

 Milkaa’inasaafis qooda fudhattoota waliin qindoominaan hojjetamaa jiraachuu ibsaniiru. 

Kunis Godinicha filatamtuu fi  bakka gahumsa Tuurizimii  taassisuun   hawaasa fayyadamaa taassisuuf   faayidaa olaanaa qabaachuu  eeraniiru.