Kabaja Ayyaana Qilleerratti ibsaan akka Addaan hin ciccinne qophii gahaan taassifameera –Tajaajila humna Ibsaa

Mudde 27/2018(ENA)–Ayyaana Qilleef Addaan Ciccitinsi humnaa akka hin mudanneef qophii gahaan taassifamuu tajaajilli Humna ibsaa beeksise.

Dhaabbatichi Ayyaana Qillee fi cuuphaa ilaalchisuun haalduree qophii taassiseerratti ibsa kenneera.

Tajaajilichatti daarektarri oppireeshinii fi ekselansii bu’uura misoomaa Neetwoorkii Ferred Abdulsalaam ibsasaaniin, Qillee dabalatee Ayyaanota dhufanitti itti fayyadama aannisaa gidduu galeessa taassisuun addaan ciccitinsi humnaa akka hin mudanneef qophiin taassifamuu ibsaniiru.

Addaan ciccitinsi yoo mudate deebii ariifachiisaa kennuuf qophiin taassifamuu ibsaniiru.

Kanaafis akka gargaaruuf guutuu biyyattiitti teekinooloojii Ammayyaan deeggaramuun sakatta’insaa fi suphaa sararoota humna gidduugaleessaa baatan dursanii raawwachuusaanii ibsaniiru.

Dabalataanis humna tiraanisfoormarootaa guddisuu fi hojiin suphaa raawwatamuusaanii eeraniiru.

Yeroo ayyaanaa sababa itti fayyadama humnaa rakkoon uumamu yoo jiraate gareen oppireeshinii deebii ariifataa kennu qophaa’uu ibsaniiru.

Hawaasni yeroo Ayyaanaa dhiibbaa Aannisaa hir’isuuf hojii humna baay’ee barbaadu yeroo humni baay’een hin fayyadamnetti fakkeenyaaf galgala sa’aatii 4:00 yoo raawwatan filatamaadha jedhaniiru.

Eeruu tajaajilaaf kennuuf hawaasni bibila sarara bilisaa 905 fayyadamuu akka danda’an ibsaniiru.