Godinichatti fayyadamummaa Misoomashayii guddisuuf  xiyyeeffannoon kennameera

Mudde26/2018(ENA)– Godina Iluu Abbaa Booritti shayii Kilaastaraan misoomsuun  fayyadamummaa Diinagdee guddisuuf  hojiiwwan hojjetamaa jiran  cimanii itti fufuunsaanii hubatameera.

Mootummaa Naannoo Oromiyaan Innisheetifiin bocameefii gosota Qonnaa bifa haaraan  misoomaa jiran keessaa  Muuzii, Avokaadoo, Ruuzii fi Shayiin kan eeramanidha.

 

Innisheetifiin misooma Shayii  Godina Iluu Abbaa Booritti  Aanaawwan hedduutti  hojiirra oolaa kan jiru yoo ta’u , Waggoottan Sadan darban keessumaa mattuutti, Aanaawwan Alleena Haluutti kilaasteraan bal’inaan  misoomaa jira.

Waktii bonaa qabametti  yeroo gannaa kan dhaabamanii fi  buufata biqiltuu kan jiran   hojin kunuunsaa Biqiltuu bal’inaan  hojjetamaa jiraachuu Waajjirri Qonnaa Godina Iluu Abbaaboor Beeksiseera.

Kana cinaattis biqiiltuuwwan bara 2018/2019 dhaabbatan qophessuun xiyyeeffannoon kennamuu  Itti Aanaan Waajjirichaa  Obbo Awwal Mahaammad ENA’f ibsaniiru.

 

Kanaanis humna misoomaa hirmaachisuun biqiltuuwwan baala shayii miiliyoona 250 qopheessuuf hojjetamaa jiraachuu  ibsaniiru.

Hojiin qophii biqiltuu humna namaa bal’aa kan barbaadu waan ta’eef Aanaawwanitti  hirmaannaa  hawaasaan  deeggaramee   kan hojjetamu ta’uun ibsameera.

Aanaa mattuutti  qonnaan bultoota misooma shayiirratti  gurmaa’an  bobba’an, yeroo ammaa Biqiltuuwwan shayii dhaabbatan  kunuunsaa jiraachuusaanii  dubbataniiru.

Hojiin Misooma shayii  babal’isuuf  karoora qabaachuu  hordofee  hojii qophii biqiltuurratti hirmaachaa jiraachuu  ibsaniiru.

 

Misooni shayii  galtee Industiriitiif kan ooluu fi  qophii biqiltuurraa eegalee  humna namaa bay’ee kan barbaadfu ta’uu  waan ta’eef  godinichatti carraa  hojii bal’aa uumaa jedhamee kan abdatamu ta’uu ibsaniiru.