Pirojektoota  Biyyoolessa  gurguddoo Itiyoophiyaatti eegalamaniif deeggarsii qorannoo fi qo’annoo dhaabbilee Barnoota olaanoo  murteessaadha 

Mudde 23/2018(ENA)– Milkaa’ina pirojektota gurguddoo biyyoolessaa Itiyoophiyaatti eegalamaniif deeggarsi qorannoo fi qo’annoo dhaabbilee  Barnootaa olaanoo  Murteessaa ta’uu  Hayyoonni Yunvarsiitii wallaggaa  ibsan. 

Pirojektiiwwan biyyoolessaa Gurguddoon Ministirri Muummee Doktar Abiyyi Ahimad Gubaarratti  ifoomsan carraa egeree Itiyoophiyaa  murteessan  ta’uusaanii  ibsuunsaanii ni yaadatama.

Milkaa’ina Pirojektoota gurguddoo kunneeniif   hirmaannaa fi deeggarsi lammiilee hundaa murteessa ta’uu fi  keessumaa  deeggarsi qorannoo fi qo’annoo dhaabbilee Barnootaa olaanoo  murteessaa ta’uu  hayyoonni Yunvarsiitii Wallagaa ibsaniiru.

Yunvarsiitichatti Daarektarri gidduugala Jijjiirama Haala Qilleensaa Doktar Xannaa Raggaasaa ,  Pirojaktoonni  gurguddoon Ministira Muummee Doktar Abiyyi Ahimadiin ifooman milkaa’ina  Guddinaa fi olka’insa Itiyoophiyaatiif  hiika addaa  kan kennan  ta’uu ibsaniiru. 

Milkaa’ina ijaarsa pirojektichaaf  tattaaffii  mootummaan gamatti   gargaarsi, tumsii fi hirmaannaan hunda keenyaa murteessaadha jedhaniiru. 

Yunvarsiiiticha Kaampaasii Gimbiitti  Daarektarri dhimma akkaadaamii Natsaannat  Geetaachoo milkaa’ina hidha kanarraa ka’uun mootummaan pirojektoota gurguddoo  milkeessuuf  karoorsuunsaa kan raajeffatamu ta’uu ibsaniiru. 

Ijaars Pirojektootaa gurguddoo kanaa yoo  milkaa’u  guddinaa fi  badhaadhina  biyyaarra darbee faayidaa fi  walitti hidhaminsa misooma riijinichaaf  murteessaa ta’uu  kaasuun,  hojiirra oolmaasaatiif  waloon dhimmuun barbaachisaadha jedhaniiru. 

Yunvarsiitii wallagaatti  Barsiisaan Kutaa Hoggansa  Barnootaa  Asaffaa Qannoo, Pirojektoota biyyoolessaa gurguddoo milkeessuuf  beekumsa, Maallaqaa fi humna keenyaan ida’amnee hojjechuu qabna  jedhaniiru.  
 
Keesumaa dhaabbileen Barnoota olaanoon  lammii baratee fi qaroome  horachuun  deegartoota misoomaa  biyyattii fi hirmaattota akka ta’aniif gahoomsuu  qabu  jedhaniiru. 

Yunvarsiistiin wallaggaa  erga hundeeffamee eegalee  barnotaan, qorannoonii fi  tajaajila hawaasaan  qoodasaa gumaachuurratti argama.  

Yunvarsiitichi keessumaa Qorannoowwan qonna, Fayyaa, kunuunsa Qabeenya Uumamaa fi cehumsa teekinooloojiirratti  xiyyeeffatan hedduu  hojjechuun olitti  rakkoolee  hawaasaa furuuf hojjetu cimsee itti fufeera.