IGAD Riijinichatti nageenyaa waaraa buusuuf xiyyeeffannoo addaan hojjeta

Mudde 23/2018(ENA)- Dhaabbanni Wal-ta'iinsa Misooma Biyyoota Baha Afrikaa (IGAD) bara haaraatti riijinichatti nagaa itti fufinsa qabuu fi misooma hunda hammate dagaagsuurratti xiyyeeffannoon kan hojjetu ta’uu  barreessaa olaanaan IGAD doktar Warqinaa Gabayyoo  ibsan. 
Barreessaa olaanaan kun  bara haaraa Faranjootaa 2026 ilaalchisuun ergaa hawwii gaarii dabarsaniiru. 
Barreessaa olaanaan kun yeroo hunda bara haaraa  abdii haaraanii fi mul’ata waloon eegaaluun gaarii ta’uu ibsuun,  dhimmoota Riijiniif tumsaan  nageenya waaraa buusuuf ciminaan hojjechuu akka barbaachisu ibsaniiru. 
Waggaan darbe qormaatileen kan itti hedduummatan gama walitti bu’insaan, jijiirama haala qilleensaa fi dhiibbaawwan diinagdee  kan mudatan ta’uu eeruun, qormaanni kunneen hedduummatanis cichoominni lammiilee fi  tumsi humna riijinii cimee  kan itti mul’ate ta’uu ibsaniiru.  

IGAD bara haaraa kanatti nageenya waaraa buusuuf, cichoomina cimsuuf   akkasumas sagalee dubartootaa fi dargaggootaa  dhageessisuun,  egeree riijinichaa keessatti  qooda qaban  guddisuuf  cimee kan hojjetu ta’uu  ibsaniiru,. 
Dhaabbanni Riijinii   caalaatti nageenyisaa kan mirkanaa’e, hirmaachisaa fi Riijinii lammiileen abdatan uumuuf  biyyoota miseensaa fi  deeggartoota misoomaa waliin  tumsaan hojjechuu itti fufa jedhaniiru. 
Barri haaraan Riijinichatti nageenyi waaraan kan itti  mirkanaa’u akka ta’u  hawwaniiru.