Sagantaan Koodarsii Miiliyoona 5 lammiileen Itiyoophiyaa Dijiitaala keessatti hirmaannaa ho’aa akka taasisan isaan dandeessisa   

Mudde 21/2018(ENA)- Sagantaan Koodarsii Itiyoophiyaa miiliyoona shanii, hirmaannaan isaan Dijitaalaa  keessatti qaban guddisuun beekumsaa fi gahumsa uumaafii jiraachuu  barattoonni dhaabbilee olaanaoo ibsan.

Dijiitaala Itiyoophiyaa Ijaaruuf bu’uuraalee misoomaa fi  haala mijataa uumuu dabalatee hawaasni  beekumsa dijiitaalaa qabu  barbaachisaa dha.

Ministirri muummee doktar Abiyyi Ahimad Adoolessa 16 bara 2016 inisheetivii Koodarsii Miiliyoona 5  eegalchiisuunsaanii ni yaadatama. 

Leenjichi dandeettii bu’uuraa  Andirooyidii Misoomsuu, Weeb pirogiraamiingii, Daataa saayinsii fi  hubannoo nam tolcheerratti kan xiyyeeffatadha.

Barattoonni Yunvarsiitii Finfinnee fi  Kotobee ENAn dubbise  akka ibsanitti, leenjiin koodarsii  dandeettii Dijiitaalaa yeroon gaafatu  dagaagfachuuf  bu’uura kan ta’udha.

Yunvarsiitii Finfinneetti barattuun Infoormeeshin Siistanii   Arseemaa Mangistuu  leenjiin koodarsii  dandeettii bu’uuraa bilisaan  horachuuf kan nama dandeessisu carraa kan uumuu ta’uu dubbatti.

Leenjiin koodarsii  saffisa dijiitaalayizeeshiniif murteessaa waan ta’eef  namni hundi leenjicha hirmaachuu qaba  jechuun ibsiteetti.

Yunvarsiitichatti barattuun  Infoormeeshin Siistanii Tsiyoon Misganaawu  gamasheen  leenjiin koodarsii  nama hundaaf haala mijateen  kan qohaa’edha jetteetti.

Leenjii koodarsiin  beekumsa bu’uuraa dijiitaalaa argatte  barnoota idileef  akka ishee gargaare  ibsiteetti.

Leenjichi qajeelfama itti fayyadama teekinooloojii  akka ta’uu fi  haala namni hundi hubachuu dabnda’uun  kan qophaa’e ta’uu  kan dubbatte immoo  barattuu Infoormeeshin Siistemii  Beeteliheem Salamooni.

Yunivarsiitii Kotobeetti  barataan Saayinsii Ispoortii  Galataa Kaafoo  akka  ibsetti, leenjichi  kompiitaraanis ta’e mobaayiliin hordofuun kan danda’amudha.

#Ena Afaan Oromoo

#ENA#TOI