Nagallee Arsiin Injifateera

Mudde15/2018(ENA)– Tapha Piriimar Liigii Itiyoophiyaa torban  11ffaa  tapha marsaa jalqabaa  Nagallee Arsiin Walwaloo Addagiraat Yuunvarsiitii  1 fi 0 injifateera.

Tapha Istaadiyeemii Finfinneetti gaggeeffameen  Ashabbir Wuroo daqiiqaa 6ffaatti rukkuttaa adabbiin galchii  injifannoo lakkoofsiseera.  

 Liigichatti injifannoo 4ffaa kan lakkoofsise  Nagallee Arsiin qabxii 16n sadarkaasaa gara 7ffaatti  ol guddiseera.

Faallaasaan bara dorgommichaatti yeoo 7ffaa kan mo’ame WalwalooAddagiraatYuunvarsiitiin qabxii 8n sadarkaa 18ffaa qabatee sadarkaa gad-bu’aa keessatti argama.