Dijiitaalli Itiyoophiyaa 2025n Damee Dijiitaalaan milkaa’inoonni hedduun kan itti  galmaa’anidha 

Mudde14/2018(ENA)– Dijiitaalli Itiyoophiyaa 2025n Damee Teekinooloojii Dijiitaalaan milkaa’inoonni hedduun kan itti galmaa’ani ta’uu ogeeyyiin damichaa  Naannoo Harariitti  dhaabbilee adda addaatti  hojjetan  ibsan. 
Dijiitaalli Itiyoophiyaa 2025 milkaa’inaan Xumuramee Jalqabsiisni Dijiitaalaa Itiyoophiyaa 2030  Ministirri Muummee doktar Abiyyi  Ahimad bakka argamanitti ifatti eegalchiifamuun  ni yaadatama.
Dijiitaala Itiyophiyaa 2025n dijiitaalayizeeshinii babal’isuu fi  tajaajila tutuqqa waraqaarra bilisa ta’e kennuurratti  biyyattiitti hojiiwwan hedduun  kan hojjetaman  karoora milkaa’e dha. 
Keessumaa Tajaajila Wiirtuu tokkoo Masoob,Waraqaa eenyummeessaa Faayidaa, Maallaqa Dijiitaalaan daddabarsuu, Leenjii Itiyoo-Koodarsii,hubannoo-namtolcheen, nageenya saayibarii fi  dameelee biroon hojiin milkaa’inaa galmaa’uusaa ibsaniiru. 

Naannoo Hararaiitti Ogeeyyiin damichaa dhaabbilee adda addaan hojjechaa jiran  Dijiitaalli Itiyioophiyaa 2025 damee teekinooloojiin  Milkaa’inoonni hedduun galmaa’uu  ENA’f ibsaniiru. 
Naannoo Haraariitti Masoob - Tajaajilli Wiirtuu tokkoo  ogeessi Infoormeeshin koomunikeeshinii  Saamii Ahimad akka ibsanitti  Dijiitaala Itiyoophiyaa 2025 jijjiirama kan fidanii fi  hojiiwwan jijjiiramaa dhiibbaa geessisan  raawwatamaniiru  jedhaniiru. 

Keessumaa bu’aa Dijiitaalayizeeshinii kan ta’e Masoob Tajaajila wiirtuu tokkoo akka ammayaa’u  ta’uu  ibsuun, hojiiwwan hubannoo namtolcheen hojjetan magaalota miidhagsuu danda’uu ibsaniiru. 
Teekinooloojii Dijiitaalaa Misoomsuun, Ammayyeessuu fi dhaqqabamaa taassisuurratti hojiiwwan mootummaan hojjete biyyittii teekinolojii fudhachuurraa gara  kalaquutti  kan ceesise ta’uu  ibsaniiru. 
Teekinooloojii Dijiitaalaa 2030 hojiiwwan teekinoloojii biroon fakkeenya ta’an  akka hojjetaman  kan eegamu ta’uu  ibsaniiru. 
 Akka biyyatti Itiyoophiyaan Dijiitaala 2025  yeroon milkaa’inaa hedduu   hojjettee dabarsiteeti jechuun  Ejensii koomunukeeshinii  fi teekinooloojii  Miidiyaa Hararii   Hamdii Ramzii  ibsaniiru. 

Teeleebirri fi daddabarsa maallaqaa Dijiitaalaa biroon tajaajiloonni kennamuu  akka fakkeenyaatti kaasaniiru.  
Damee Barnootaan  leenjii Itiyoo Koodarsii  miiliyoona 5 kan  kaasan  ogeessi  kun  lammiileen  beekumsa teekinoloojii barbaadan  akka argatanii fi  damee qonnaan odeeffannoo dhaqqabamaa taassisuun   hojiin qonna ammayyeessuu  akka milkaa’uu danda’uu  ibsaniiru. 
   Masoob  tajaajila  wiirtuu tokkoo akka fakkeenyaatti kan kaasan ogeessi kun  kunis Mallaammaltummaa fi burjaajjii  kan  hir’isee fi fuldurattis Dijiitaalli Itiyoophiyaa 2030  kanaa ol akka irraa eegamu  eeraniiru. 
Naannoo Haraariiti  Ogeessii  Infoormeeshin Koomunukeeshinii  Masoob  Tajaajila Wiirtuu tokkoo  Dasee Ahimad, Dijiitaala Itiyoophiyaa 2025n  milkaa’inoota galmaa’an keessaa  waraqaan eenyummeessaan faayidaa tokko ta’uu dubbataniiru. 

Dijiitaala Itiyoophiyaa 2025n neetti woorkiin 4Jii  fi 5jii diriirfamuu  akka fakkeenyaatti kan kaasan  ogeessi kun , lammiileen carricha  fayyadamuun  beekumsa  teekinooloojiin biyyaa fi mataasaanii fayyaduu  eegaluusaanii ibsaniiru. 
Milkaa’ina teekinooloojii Dijiitaalaa Itiyoophiyaa 2025 tattaaffii fi saffisa mootummaan akka ta’e eeruun  Dijiitaalli Itiyoophiyaa 2030  milkaa’aa akka ta’u  muuxannoowwan baroota darbanirraa  mirkaneeffachuun akka  danda’amu  dubbataniiru.