Arsenaal fi Kiristaal Paalaas waancaa Karabaa’oof xumura walakkaaf darbuuf ni taphatu

Mudde 14/2018(TOI)-Sagantaan xumura nuusaa Waancaa Karabaa’oo ingiliziin har’a Kiristaal Paalaas fi Kiristaal Paalaas jidduutti ni gaggeeffama.

Taphni garee lamaanii halkan sa’aatii shanitti Istaadiyeemii Emireetsitti gaggeeffama.

Arsenaal marsaa afraffaatiin Biraayitaniin 2 fi 0’n, Kiristaal Paalaas Livarpuuliin 3 fi 0’n mo’achuun xumura kurmaanaaf darbaniiru.

Gareen lamaan A.L.A bara 1992/93 xumura walakkaatti waliin taphatanii Arsenaal dhaqa deebiin mo’atee xumuraaf kan darbe yoo ta’u Shefildi Wensideeyiin mo’achuun Waancaa fudhateera.

Yeroo sanaa kaasee Arsenaal Waancaa Karabaa’oo fudhatee hin beeku. Walumaa gala gareen kun dorgommicha yeroo lama mo’ateera.

Kiristaal Paalaas Waancaa Karabaa’ootiin qabxiinsaa inni guddaan yeroo afur xumura walakkaaf kan itti darbedha.
Barana gareen lamaan tapha piriimar liigii Ingiliziin gaggeessaniin Arsenaal 1 fi 0’n mo’achuunsaa ni yaadatama.

Tapha har’aa kan mo’ate xumura walakkaatiin Cheelsii waliin ni taphata.

Taphni garee lamaanii turban darbe taphatamuu kan qabu yemmuu ta’u sagantaan walirra bu’uusaatiin torbee kanatti jijjiiramuunsaa ni beekama.

Sanantaa xumura walakkaa biraatiin Niwukaastil Yunaayitid fi Manchistar siitiin ni taphatu.