Itiyoophiyaan Yaadama Ida’amuutiin Nageenyaa fi Misooma Gaanfa Afriikaaf shoora adda durummaashee bahaa jirti

Mudde11/2018(ENA)- Itiyoophiyaan yaadama Ida’amuutiin Gaanfa Afriikaa jijjiiramaa ta’e keessatti nageenyaa fi misooma  mirkaneessuuf  qooda adda durummaashee bahaa jiraachuu Daarektaarri Quunnamtii Idil-Addunyaa  Paartii Badhaadhinaa Nabiyyuu Sihuul Mikaa’el ibsan.

Daarektaarri Quunnamtii Idil-Addunyaa Paartii Badhaadhinaa Nabiyyuu Sihuul Mikaa’el   (POA) waliin  turtii taasisaniin, Itiyoophiyaan Biriiksitti(BRICS) tumsa gam hedduun sagalee Afriikaa dhageessisuuf hirmaannaa guddaa taassiaa jiraachuusee dubbataniiru.

Haalli teessuma Gaanfa Afriikaa sochii daldalaaf mijattuu ta’uu kaasuun, sochiin daldala Addunyaa dhibbantaa 30  kan adeensifamu  riijinii kana keessatti  kan raawwatamu ta’u  dubbataniiru.

Riijinichi fedhiin qaamolee hedduu kan keessa jiru ta’uu Itiyoophiyaan Faayidaa biyyoolessaashee haala eegsisuun biyyoota waliin tumsaan hojjechaa jiraachuu ibsaniiru.

Itiyoophiyaan Yaadama Ida’amuun Nageenyaa fi misooma  gaanfa Afriikaa Jijjiiramaa ta’e mirkaneessuuf shoora adda durummaashee bahaa jiraachuu ibsaniiru.

Paartiin Badhaadhinaa dhiibbaa Itiyoophiyaan Riijinichatti uumtu yaadama ida’amuun  dhugoomsuuf hojjechaa jiraachuu ibaniiru.

Karoora misoomaa milkeessuuf tumsa biyyoota waliin qabdu cimsuu akka qabdu  eeruun kanaafis tattaaffii dhuunfaan olitti  ida’amuun bu’aa qabeessa  taasisa jedhaniiru.

Itiyoophiyaan walii galteen Daldala Riijinii bilisaa Afriikaa hojiirra oolchuuf kutannoo qabdu kan argisiisu ta’uu ibsaniiru.

Dhaabbileen Riijinii akka hundeeffamanii fi tokkummaan Afriikaa akka cimuuf  Itiyoophiyaan qooda olaanaa bahuushee ibsaniiru.

Hidhi haaromsa Guddichi Itiyoophiyaa Dippiloomaasii cimaan xumurmuunsaa Itiyoophiyaarra darbee Afriikaan hundi kan itti boonu  ta’uu kan kaasan  Obbo Nabiyyuun, hidhichi walitti hidhaminisa Diinagdee Riijinichaaf qooda olaanaa qabaachuu  ibsaniiru.

Gama biroon Itiyoophiyaan BRICS’tti tumsa gam hedduu fi hirmaannaa guddaa   taassisuun ofirra darbitee sagalee Afriikaa dhageessisuushee ibsaniiru.

Itiyoophiyaan Biyyoota Miseensa BRICS waliin tumsa qabdu cimsuun karoora misoomaa fi faayidaa biyyoolessaashee kabachiisuuf ni hojjetti jedhaniiru.