Naannoo Oromiyaatti sadarkaa manneen barnootaa fooyyessuuf xiyyeeffannoon kennameera

 

Mudde 10/2018(TOI) – Naannoo Oromiyaatti qulqullina barnootaa mirkaneessuuf hojiilee raawwataman keessaa sadarkaa manneen barnootaa fooyyessuuf xiyyeeffannoon kennamuu Biiroon Barnootaa Naannichaa ibse.

Magaalaa Naqamteetti, mana barumsaa Bakkee Jamaa sadarkaa tokkoffaa gara sadarkaa lammaffaatti guddisuuf sagantaa adeemsifame irratti hoggantoonni naannoofi magaalittii argamanitti gaggeeffameera.

 

Akka itti aanaan itti gaafatamaa Biiroo Barnootaa Oromiyaa Efreem Tasammaa jedhanitti qulqullina barnootaa naannichaa mirkaneessuuf hojjetamaa jira.

Hojiilee kanneen keessaa sadrkaa manneen barnootaa fooyyessuun xiyyeeffannoon hojjetamaa jraachuu eeraniiru.

Manneen barnootaa saarkaan isaanii fooyyeffaman keessaa tokko Mana barumsaa Bakkee Jamaa eeruun, sadarkaa mana barumsaa kana fooyyessuufi birrii miliyoona 71 akka gaafatu ibsaniiru. Ijaarsi babal’isuu gaafa xumuramu immoo barattoota hanga kuma tokkoo ol simachuu akka danda’u ibsaniiru.

 

Ijaarsi isaas baatii sagal keessatti kan xumuramu ta’uu ibsuun, ijaarsa isaas dhaabbanni OBAM akka xumuru himaniiru.

Qulqullina barnootaa eegsisuuf dhaloota dorgomaafi gahoomaa ta’e horachuuf dhaabbilee barnootaa mijatoo ta’e uumuun barbaachisaadha kan jedhan immoo kantiibaa magaalaa Naqamtee Masarat Hayiluu dha.  

Humna nama baratee dorgomaa  horachuuf  bu’uurarraa  kunuunsuun guddisuun   murteessaa waan ta’eef  hojiirra oolmaasaaf  manneen barnootaa sadarkaa 1ffaarratti  xiyyeeffannoon kennamuu kaasaniiru.

Kana dhugoomsuuf   Biiroon Barnootaa Oromiyaa  Waajjira Barnootaa Magaalaa Nagamtee  waliin  qindoominaan hojjechaa jiraachuu   ibsaniiru.

Ijaarsi Mana barumsaa Sadarkaa 2ffaa Bakkee Jamaa gaaffii hawaasa naannichaa yeroo dheeraa kan deebise ta’uu  dubbataniiru.

Itti Gaafatamaan Waajjira Barnootaa Magaalaa Naqamtee  obbo Caalaa Gammadaa  Ijaarsi Mana Barumsaa sadarkaa 2ffaa  Bakkee Jamaa  gaaffii hawaasaa kan deebise ta’uu  ibsaniiru.

 Ijaarsi Mana Barumsichaa  hanqina daree Barnootaa kan furu ta’uu  ibsaniiru.

Namoota sadarkaan mana barumsichaa fooyya’uu ilaachisee yaada kennan keessaa   jiraataan ganda 06 obbo Fiqaaduu Dabalee magaalichatti qulqullina Barnootaa eegsisuuf  hojiiwwan hojjetaman   cimanii itti fufuu qabu jedhaniiru.

Aadde Itiyyee Bashaa gamasaaniin  ijaarsi babal’isuu  ijoolleen keenya mana barumsaa sadarkaa 2ffaa  dhiheenyatti akka argatan  dorgomummaansaanii akka dabaluuf  carraa bana jedhaniiru.