Piriimar liigiin Itiyoophiyaa torban 10ffaan  har’a eegala

Mudde 10/2018(TOI)-Sabaaba Taphoota waancaa Itiyoophiyaan addan citee kan ture sagantaan Piriimar Liigii  Itiyoophiyaa  torban  10ffaan ni deebi’a. 
Guyyaa sa’aatii 9:00 Istaadiyeemii Yunvarsiitii Saayinsii fi Teekinooloojii Adaamaatti Baankiin daldalaa Magaalaa Aarbaa Minci waliin taphata.
Baankiin Daldala Itiyoophiyaa liigichaan taphoota 9 gaggeesse keessaa  injifachuu kan danda’e yeroo toko qofa. 
Yeroo sadii yoo  injifatamu  yeroo 5n qixaan adda baheera.
Taphichaan galchii 9 yoo  lakkoofsisu galchii 11 keessummeesseera. 
 Injifataan liigichaa bara 2016 Baankiin Daldla Itiyoophiyaa qabxii 8n sadarkaa 15ffaa qabateera. 
Morkataansaa Magaalaan Arbaa Minci liigichaan hanga ammaatti  tapha  injifate hin qabu.  
Yeroo 4 yoo mo’atu yeroo 5n qixaan adda baheera. 
Galchii 4 yoo lakkofsisu galchii  9  keessummeesseera. 
Magalaan Aarbaa Minci qabxii 5n sadarkaa 19ffaa qabachuun sadarkaa  gad- aanaa  irratti argama  
Baankiin Daldala Itiyoophiyaa gara injifannoo deebi’uuf  taphata, Magaalaan Aarbaa Minci qabxii jalqabaa sadii  argachuuf  ni taphata. 
Sagantaa biroon  Midiregannat Shireen  Magalaa Baahir Daar  waliin  guyyaa 9:00 tti Istaadiyeemii  Finfinneetti  taphatu. 
Midiregannat Shireen liigichatti Taphoota 9 gaggeesseen yeroo sadii yoo  injifatu yeroo 2 mo’ameera. 
Taphoota hafan 4n qabxii qooddateera. 
Taphoota sagal irratti  galchii 8 yoo lakkoofsisu galchii 6  keessummeesseera. 
Garichi qabxii 13n sadarkaa 8 qabateera . 
Liigichatti taphoota 9 gaggeesse keessaa 3 yoo  injifatu  haaluma wal fakkaatuun magaalaa baahir Daar  yeroo 3 mo’ameera. 
Taphoota hafan sadiin  qixa baheera. 
Taphicharratti galchii 9 yoo lakkoofsisu  haaluma walfakkaatuun galchii 9 keessummeesseera. 
Magaalaan Baahidaar qabxii 12n sadarkaa 11ffaa  irratti argama. 
Galgala sa’aatii 12:00 irratti Maqalee 70 Indartaan Hadiyyaa Hosaa’inaa waliin Istaadiyeemii Yunvarsiitii Saayinsii fi Teekinooloojii Adaamaatti ni taphatu. 
Maqalee 70 Indartaan  qabxii 5iin sadarkaa 19ffaa, Hadiyyaa Hosaa’inaan qabxii 17n sadarkaa 17ffaa qabatanii  sadarkaa gad- aanaarratti argamu. 
Taphichi maqalee 70 Indartaan  liigichaan qabxii jalqabaa 3 argachuuf  yoo taphatu, hadiyyaa hosaa’inaan gara injifannootti deebi’uuf  taphata.  
Taphni Piriimarliigii Itiyoophiyaa torban 10ffaan  anga Mudde 12 bara 2018tti  ni tura. 
Bunni Sidaamaa  qabxii 20n liigicha dursaa jira. Hadiyyaa Hosaa’inaan  Walwaaloo Addagiraat Yunvarsiistii, Maqalee 70 Indartaa fi  magaalaan Aarbaa Minci  sadarkaa 17 hanga 20 qabachuun sadarkaa gad- aanaa  keessatti argamu.