Bulchiinsi Magaalichaa hojiilee fayyadamummaa haqa qabeessa lammiilee  mirkaneessan raawwachaa jira – Kantiibaa Adaanach Abeebee

 Mudde 4/2018 (TOI)- Bulchiinsi Magaalaa Finfinnee Fayyadamummaa haqa qabeessa lammiilee Mirkaneessuuf  hojjechaa jiraachuu  kantiibaan  Bulchiinsa Magaalaa Finfinnee  ibsan. 

Kantiibaa Adaanach  Abeebee  Bulchiinsa Magaalicha  Kutaa Magaalaa Lidataatti  Maneen gandaa 106  jiraattota magaalichaa harka qal’eeyyii deeggarsa hin qabneef , qama miidamtoota, namoota biyyaaf oolmaa oolani  fi  nammoota haala rakkisaa keessa jiran  adda  baasuun  har’a carraa buusanii dabarsanii kennaniiru.

Bulchiinsi  magaalichaa  marii hawaasa waliin taassiseen  eeruu kenname dabalatee calaalii taassisuun jiraattota adda baasuu  ibseera.

Kanaanis fayyadamummaa haqa qabeessa mirkaneessuun, dursa kennamuun kan qabu  kan dagataman, deeggarsa  warra  hin qabne, harka qal’eeyyii fi  haala  rakkisaa keessa warra jiraatan oolchuun booru jireenya fooya’aa keessa akka  jiraatan hojiin dandeessisu  hojjetamuu ibsaniiru.

Keessumaa kutaa magaalaa Araadaatti daangaa laga  Qurxummiitii ka’anii wal falmii qaama sadaffaan  dararamaa kan turan  har’a rakkoonsaanii furmaata argatee mana jireenyaa waan argataniif baay’ee gammanneera baga gammaddan jedhaniiru  kantiibaan kun ergaa dabarsaniin .