Leenjiin Koodarsii kenna Tajaajila Mootummaa Ammayyeessuuf nu deeggareera– Hojjettoota

Mudde 3/2018(TOI)-Leenjiin Koodarsii kenna Tajaajila Mootummaa Ammayyeessuuf isaan  gargaaruusaa hojjettootni mootummaa Godina Gujii ibsan.

Naannoo Oromiyaa Godina Gujiitti hojjettoonni Mootummaa  Magaalaa Adoolaa Leenjii Itiyoo koodarsii fudhatan keessaa Guddataa Gammadaa tokko.

Leenjichi teekinooloojiin of gahoomsuun maamiltootaaf tajaajila si’ataa kennuuf humna  dabalataa akka ta’u dubbateera.

Leenjichaan beekumsa Saayinsii kompiitaraa fi  hubannaa namtolchee argagachuu  milkaa’ina hojiif akka isa gargaare ibseera.

Yaada dargagoo Gammadaa kan qooddatan immoo hojjetaan mootummaa kan biraan Dargaggoo Dastaa Halakee gamasaan, leenjichi beekumsaa fi teekinooloojii qindeessuun  dandeettii dorgommi guddifachuu dubbateera.

Leenjicha Xumuruun Waraqaa ragaa fudhachuusaa ibsuun, leenjichi gahumsaa fi dorgomummaa lammiilee guddisuun hojii fooya’aaf kaka’umsa kan uumudha jedheera .

Carraa  kanatti fayyadamuun hoj-maata ammayaa’aa hojiirra oolchuuf  beekumsaa fi dandeettiin ga’oomuuf namni hundi leenjicha fudhachuun misooma biyyaaf qoodasaa bahuu akka qabu muuxannoosaa qoodeera.

Waajjira Sivilsarvisii Godinichaatti  Dursaan garee  misooma  humna namaa  Biiluu Sorsaa  Beekumsaa fi dandeettii hojjettoota Mootummaa guddisuuf hojjettoota kuma 25 leenjii Itiyoo Koodarsi akka fudhataniif karoorfamuu ibsaniiru.

Leenjichi Dinagdee Dijiitaalaa Ijaaruuf tattaaffii taassifamu kan deeggaru ta’uu eeruun hanga ammaatti godinichatti hojjettoonni  kuma 23 fi 456 leenjicha xumuranii waraqaa ragaa  fudhachuusaanii eeraniiru.

Leenjichi hojjettoonni Mootummaa Teekinooloojii Addunyaa waliin wal beeksisuun hojmaata gahoomee fi dorgomaa akka hordofan karoorfamuu ibsaniiru.

Kunis teekinooloojiin deeggaramuun fi tajaajila si’ataa kennuuf kan gargaaru ta’u  hubachiisaniiru.