Naannichaa hangi Bunaa gabaa gidduugaleesaaf dhihaatu yeroo gara yerootti guddachaa jira

Mudde 2/2018(TOI)- Naannoo  Ummattoota  Kibba Dhihaa Itiyophiyaatti hangi fi qulqullinni  omisha Bunaa Gabaa gidduu galeessaaf dhihaachaa jiru yeroot gara yerootti guddachaa dhufuu Abbaan Taayitaa Bunaa, Shayii fi Mi’eessituu ibse. 

Waggoottan Afran darban omishni Bunaa  Waggaa waggaan  giddu galeessaan toonii kuma 52 fi 257 gabaa gidduugaleessaaf dhihaachuu  Daaraktarri  Olaanaan Abbaa Taayitichaa  Asiraat  Makuraa TOI’f ibsaniiru.
 

Bara baajataa 2018 bunni dhiqamee fi hindhiqamiin Tooniin  kuma 71 fi 400 gabaa gidduu galeessaaf dhiheessuuf karoorfamuu eeruun, hanga ammaatti Tooniin kuma 10 fi 21 gabaa gidduugaleessaaf dhihaachuu Mirkaneessaniiru. 

Yeroo ammaa Asheeta Buna diimaa funaanuu fi  qophiin  Buna dhiqamee hojjetamaa jiraachuu dubbataniiru.

 Karoora bara kanaa  galmaan ga’uuf  daldalaa fi qulqullina  omisha Bunaa Sadarkaan jiru  seera qabeessa taassisuuf  Koreen to’annoo hordoffii taasisaa jira. 
 

Qophii omisha Buna dhiqamee fi qulqullina eegisuu   ilaalchisee  qaamolee dhimmi ilaallatuu  leenjiin  hojii qabatamaarratti  hundaa’e kennamuu kaasaniiru. 

Gama biroon  bara  baajatichaatti carraan  hojii dhaabbii fi yeroo   qophii Biqiltuu bunaan, Omisha Bunaa walitti qabuun, qophii omishaan  namoota kuma 22 fi  441’f  uumameera jedhaniiru.