Mootummaan Ida’amuu dhaqqabamummaa Digiitaalaarraa gara badhaadhina walootti imala egalame milkeessuuf ciminaan ni hojjeta-Itti aanaa Ministira Muummee Tamasgeen Xurunaa

Sadaasa 30/03/2018(TOI)-Mootummaan ida’amuu dhaqqabamummaa Dijiitaalaarraa imala gara Badhaadhina walootti eegalame milkeessuuf, Kalaquun, saffisuu fi guddina Ariifataan fiduuf ciminaan akka hojjetamu Itti Aanaa Ministira Muummee Tamasgeen Xurunaa ibsan.

Itti Aanaan Ministira Muummee Tamasgeen Xurunaa mataduree “Dinagdee Dijiitaalaa Ijaaruun filannoo osoo hin ta’iin caalmaadha”jedhuun fuula miidiyaa hawaasummaasaaniin ergaa har’a dabarsaniin, har’a yaa’ii kaffaltii Dijiitaalaa Itiyoophiyaa ifatti eegalchiisuusaanii ibsaniiru.

 

Tarsiimoo Dijiitaala Itiyoophiyaa 2025 bu’aa qabeessummaan hojiirra ooluun, lammiileef tajaajila si’ataa, fi baasii qusatu dhaqqabamaa taassisuun olitti, sochii jireenyaa guyyaa guyyaa salphisuurratti akka argamu dubbataniiru.

Dabalataanis sirna gurgurtaa elektiroonikii fi Dijiitaalaa daandii kaffaltii filatamaa akka ta’u dandeessisuu dubbataniiru.

 

Kunis jireenya ummataa fi tajaajila mootummaa filannoon olitti caalmaa kan qabu akka ta’u ni dandeessisa jedhaniiru.

Sirna kaffaltii dijiitaalaa waggoottan shanan darban diriirfaman keessatti waggaa waggaan daddabarsi birrii Tiriiliyoona 18 tuqaa 5 ol raawwatamaa jiraachuu eeraniiru.

Milkaa’ina kana caalaatti itti fufsiisuun taarsiimoo Dijiitaala Itiyoophiyaa 2030 badhaadhina hunda galessa milkeessuuf qabate yeroo dhihoo mana maree Ministeerotaan ragga’uusaa yaadachiisaniiru.

 

Tarsiimichi bu’uuraalee misoomaa Dijiitaalaa cimsuu, dhaqqabamummaa qofa osoo hin ta’iin fayyadamummaa babal’isuuf dandeettii gabbisuu fi kalaqa rakkoo furu jajjabeessuuf kan kaayyeffate ta’uu eeruun milkaa’inasaaf huundinuu qoodasaa bahu akka qabu hubachiisaniiru.

Itti Aanaan Ministira Muummee Mootummaa Ida’amuu dhaqqabamummaa Diliitaalaarraa Imala gara badhaadhinaa eegalle milkeessuuf qajeeltoowwanKalaquun, saffisuu fi guddina galmaga’uuf ni tatttaafata jechuun ibsaniiru.