Badhaasni miidiyaa IGAD sadaffaan Finfinneetti gaggeeffamaa jira

Sadaasa 21/2018(TOI)- Badhaasni miidiyaa IGAD 2025 Finfinnee Hoteela Iskaayi Laayititti gaggeeffamaa jira.

Sirni badhaasaa kun mata duree “agabaasni haala qilleensaa bu’a qabeessi riijinii nageenyisaa mirkanaa’e, cimaa fi tasgabbaa’aaf” jedhuun gaggeeffamaa jira.

Ministirri dhimma alaa Dr. Geediyoon Ximootiwoos, barreessaan olaanaa IGAD Dr. Warqinaa Gabayyoo, hooggantoonni mootummaa olaanoon fi keessummoonni waamaman waltajjii kanarratti argamaniiru.

IGAD taatee kana mootummaa Itiyoophiyaa waliin wal ta’uun kan qopheesse yoo ta’u, miidiyaan palsi oof Afriikaa tumsaa badhaasichaati.

Galaalchotaa fi ogeeyyota fiilmii gaanfa Afriikaatti seenessa haala qilleensaa bu’a qabeessa waraabaniif sagantaa Kanaan badhaasni nikennamaaf.

Badhaasni miidiyaa IGAD akka lakkoofsa Awurooppaatti 2023 irraa eegalee gaggeeffamaa kan jiru taatee wagga waggaan gaggeeffamu yoo ta’u, badhaasni 2023 Jibutiitti kan gaggeeffame yoo ta’u kan 2024 ammoo Keeniyaa Naayiroobiitti gaggeeffamuun ni yaadatama.