Warshichi boru irraa eegalee Shukkaara oomishuu eegala

Sadaasa 21/2018 (TOI)-Baatii ganna suphamaa kan ture warshaan shukkaaraa Wanjii boru Sadaasa 22 bara 2018 nirraa eegalee shonkooraa agadaa daakuun Shukkaara oomishuu eegala.

Maashinaroonni shonkooraa agadaa gara warshichaatti geejjibsiisanii fi suphaan warshichaa xumuramuusaa hoogganaan waajjira hojii gaggeessaa olaanaa warshaa Shukkaaraa wanjii obbo Iyyu’eel Lelaangoo mirkaneessaniiru.

Gama biraatiin shonkooraa agadaan Shukkaara oomishuuf oolan har’a muramuu TOI’f ibsaniiru.

Warshichi guyyaatti shonkooraa agadaa toonii kuma 6 fi 250 daakuu akka danda’u ibsanii, sababa dhiheessii fi kanneen birootiin guyyaatti toonii kuma 4 fi 890 daakuudhaan hojiisaa itti fufa jedhaniiru.

Waggaatti shonkooraa agadaa toonii kuma 601 fi 374 tuqaa 25 daakuun Shukkaara toonii kuma 70 fi 239 tuqaa 8 akka oomishu hubachiisaniiru.