Tamsaasa Kallatti:

Taphni Liigii Cheelsii fi Arsenaal har’a taphatan hawwiidhaan eegama

Sadaasa 21/2018 (TOI)- Taphni piriimer Liigii Ingiliz sagantaa turban 13ffaa Cheelsii fi Arsenaal har’a taphatan hawwiidhaan eegama.

Taphni kun galgala sa’aatii 1:30tti Istaadiyeemii Istaanfoordi Biriijitti gaggeeffama.

Cheelsiin qabxii 23’n sadarkaa sadaffaarra jira.

Morkataansaa Arsenaal qabxii 29’n liigicha dursaa jira.

Kilaboonni lamaan dorgommii hundaan yemmuu waliin dorgoman kun 212ffaadha.

Tapha Kanaan dura taphatan 211’n Arsenaal yeroo 84 yoo mo’atu Cheelsiin yeroo 66 mo’atee taphoota 61’n walqixa baheera.

Piriimer Liigii Ingiliziin tapha 66 taphataniin Arsenaal yeroo 27 yoo mo’atu Cheelsiin yeroo 20 mo’ateera. Tapha 19’n ammoo walqixa bahaniiru.

Sagantaa taphootaa biroon ammo K
iriistaal Paalaas Manchastar Yuunaayitid waliin guyyaa sa’aatii 9tti nitaphatu.

Weestihaam Yunaayitid Livarpuul, Astonviilaan Wolvis fi Notiingihaam Forest Biraayitan waliin yeroo walfakkaataa guyyaa keessaa sa’aatii 11 fi daqiiqaa 5 irratti nitaphatu.

Tajaajila Oduu Itiyoophiyaa
2015