Atileet Geetaaneh Mollaa fiigicha ayyaana hundeeffama humna qilleensaa 90ffaa km. 10 mo’ate.

Sadaasa 21/2018 (TOI)- Atileetiin kilaba Ispoortii Machaal Geetaaneh Mollaa fiigicha ayyaana hundeeffama humna qilleensaa 90ffaa km. 10 Bishooftuutti gaggeeffame mo’ateera.

Dorgommii Kanaan Cimdeessaa Dabalee Ikooskoorraa lammaffaa yoo bahu Biiniyaam Malaak Machaal irraa sadaffaa baheera.

Atileetonni biyyoota ollaa sagantaa kanarratti hirmaachuunsaanii himameera.

Fiigicha Kanaan saala lamaanuu kan mo’ataniif badhaafni walfakkaataan birria kuma 500 akka gumaachamuuf ibsameera.

Lammaffaa kan bahaniif birria kuma 250, sadaffaa kan bahaniif birria kuma 100, afraffaa kan bahaniif birria kuma 50, atileetota shanaffaa bahaniif birriin kuma 25 akka gumaachamuuf eerameera.