Godina Harargee Bahaatti sagantaa Maaddii guutuun hojiiwwan hojjetamaa jiran  birmadummaa nyaataa kan mirkaneessanidha

Sadaasa18/2018(TOI)- Godina Harargee bahaatti sagantaa Maaddii guutuun hojiiwwan misoomaa  hojjetamaa jiran  birmadummaa nyaataa kan mirkaneessan ta’uusaanii hirmaattonni leenjii  hoggansaa  dubbatan.

 Naannoo Oromiyaa  bulchiinsa magaalaa Maayaatti hirmaattonni   Leenjii  hoggantoota olaanoo fi  gidduugaleessaa  mataduree  ”ilaalcha mootummaa ida’amuu  milkaa’ina dameelee “ jedhuun  gaggeeffamaa jiru irratti hirmaatan, hojiiwwan misoomaa omishaa fi omishtummaa guddisuuf godinichatti Aanaawwan Baabbille fi  gursumitti hojjetaman daawwataniiru.

  Hirmaattota daawwanichaa keessaa Aadde Alfiyyaa Toofiq   akka  jedhanitti  sagantaa  maaddii guutuurratti qonnaan bultoonni bobba’an  fayyadamoo misoomaa ta’uurra darbee  lammiilee biroof  carraa  hojii  yeroo uuman argineerra jedhaniiru.

Kunis hojii  birmadummaa  nyaataa  mirkaneessuuf hojjetamaniif milkaa’ina abdii kennuu fi  muuxannoon kan irraatii fudhatamu  ta’uu dubbatabniiru.

Hojiiwwan Innisheetifoota adda addaan hojjetaman  bu’aa fiduu danda’uusaanii arguun, kunis imala misooma biyyaa  kan saffisiisuu ta’uu obbo  Mikaa’el  Mahaammad ibsaniiru.

Obbo Abubakar Yusiif gamasaaniin   hojiiwwan  damee qonnaan   hojjetaman damee industirii  kan cimsan ta’uusaa daawwachuu ibsaniiru.

 Hojiiwwan misoomaa innisheetifoota adda addaan Godinichatti raawwataman  fayyadamummaa  lammiilee kan mirkaneessanii fi  muuxannoon  kan irraatii fudhatamudha jedhaniiru.

Bulchaan Godina Harargee Bahaa Aadde Miskii  Mahaammad  gamasaaniin  akka jedhanitti  godinichatti fayyadamummaa qonnaan bulaa  guddisuuf  kuduraa fi muduraa, horii furdisuu, misooma lukkuu, dabalatee  innisheetifoonni 24  hojiirra oolaa  jiru.

 

Qonaan bulaan  Qamadii fi bisingaa  dabalatee midhaan biroo kilaasteraan misoomsuun  omisha fi  omishtummaa  guddisaa  wabii nyaataa mirkaneessaa jira jedhaniiru.

Daawwanicharratti kan argaman  Itti Gaafatamaan Biiroo Idustirii fi  Invastimantii  akka dubbatanitti   godinichatti innisheetifii muuzii, furdisa loonii, horsiisa lukkuu fi hojiiwwan innisheetifoota biroo daawwanneera jedhaniiru.

Naannichatti hojii  qonnaan  lammiileef carraa  hojii uumuu, wabiinyaataa mirkaneessuu , omisha Al-ergii  omishuu  fi  omisha Alaa galan kan biyya keessaan bakka buusuu galmoota jedhaman mikeessuuf  hojiiwwan hojjetaman  qabatamaan hojjetamanii arguusaanii  dubbataniiru.