Buufanni Xiyyaara Idil-Addunyaa Bishooftuu imala Aveeshinii Afriikaa keessatti Boqonnaa Seenaa qabeessadha -Ministir Ahimad Shidee

Sadaasa18/2018(TOI)- Buufanni Xiyyaara Idil-Addunyaa Bishooftuu imala Aveeshinii Afriikaa keessatti Boqonnaa Seenaa qabeessa ta’uu Ministirri Maallaqaa Ahimad Shidee ibsan.

Fooramii Invastimentii Afriikaa  Morokoo Raabatitti gaggeeffameerratti ijaarsa  pirojektii Buufata Xiyyaaraa Idil-Addunyaa  Bishooftuutti ijaaramu ilaalchisee  faayinaansii, teeknikaa fi bu’uurawwan tarsiimoo pirojeketiirratti   ilaalchisuun ibsa kennaniiru.   

Ministirri Maallaqaa Ahimad Shideewayita sana akka ibsanitti, fooramicharratti dureeyyiin idil- Addunyaa, dhaabbilee misooma faayinaansii, ejensiiwwan liqii Al-ergii fi Liqeessitoonni Daldalaa Addunyaa  faayinaansii pirojektichaa  teeknikaa fi  bu’uurawwan tarsiimoo piroketiirratti  ibsa bal’aa taassisuun marsaa murteessaa dha jedhaniiru.

 

Buufanni xiyyaara Idil Addunayaa Bishooftuu  imala Aveeshinii Afriikaa keessatti boqonnaa seenaa qabeessa ta’uu  hubachiisuun, teekinooloojii ammayyaan, diizaayiniin, akkasumas tajaajila bal’aa kennuun  Itiyoophiyaa gidduugala Aveeshinii  taassisa jedhaniiru.

  Buufanni xiyyaara Idil Addunayaa Bishooftuu Ardittii Addunyaa waliin kan wal-quunnamsiisu galma furtuu  ta’uu  hubachiisaniiru.

Pirojektiin kun buufata xiyyaaraa olidha kan jedhan  Ministirichi kun , guddina dinagdee guutuu  Afriikaatti, daldala, Tuurizimii, akkasumas walitti hidhaminsa riijinii fi Ardiif  sochooftuu jijiiramaa ta’uun  akka fudhatamu hubachiisaniiru.

Dhiibbaa bufata xiyyaaraa Idil Addunyaa Booleerratti  ga’aa jiru akka  hir’isuu fi  tajaajila fooya’aa  kennuu akka  dandeessisu  ibsaniiru.

Walii gala hanqina  gahumsaa hanbisuun  Itiyoophiyaa fi guutuu  Afriikaa  sadarkaa Addunyaatti haala caalaatti bu’aa qabeessa ta’een akka wal-quunnamsiisuu  dandeessisa jedhaniiru.

Dureeyyiin dhaabbataa, liqeessitoonni  daldalaa fi  ejnsiiwwan liqii  Al-ergii   pirojekticharratti akka hirmaatan, paakeejii invastimentii akka  madaalanii fi  bu’uuraalee misoomaa  guddaa Afriikaa  keessaa tokko ta’uuf hojii  qophaa’eef akka  gumaachan affeeraniiru.

 Dhaabbilee faayinaansii dabalatee invastaroota dhaabbilee waltajjii riifoormii kanarratti hirmaatan ijaarsa piroojektichaa deeggaruuf fedhii akka qaban ibsaniiru.

Kunis Buufatni Xiyyaaraa Idil-addunyaa Bishooftuu wiirtuu aviyeeshinii Afrikaafi Idil-addunyaa ta’uu akka danda’u kan mul’isu ta’uu odeeffannoon Ministeerri Maallaqaa TOItiif erge ni mul’isa.

Buufatni xiyyaaraa kun geejjiba uummataatiin alatti tajaajila geejjibaa fe’umsaa olaanaa kan kennu ta’uus ibsameera.