Tapha eegamuun Arsenal Baayer munikiin Mo’ate

Sadaasa18/2018(TOI)-Sagantaa shaampiyoonsi liigii  Awurooppaa eegamuun Arsenaal Baayer Muniikiin 3 fi 1 injifate. 
Liiverpuul gamasaan Injifatameera. 

Tapha Shaampiyoonsi liigii Awurooppaa galgala Istaadiyeemii Emireetis gaggeeffame Yuuriyen tiimber daqiiqaa 22ffaatti galchiin lakkoofsise Arsenaaliin dursaa  taassiseera. 
Dargaggeessi waggaa 17 Leenarti Karli daqiiqaa 32ffaa tti galchii walqixaa lakkoofsiseera.
Noonii Maduweekee daqiiqaa 69ffaa fi Gabri’eel Martiineelii daqiiqaa 76ffaatti galchii lakkoofsiseen injifannoo Arsenaal mirkaneesseera. 
Kilaboonni kun taphicharratti daawwattootaaf sochii bashannansiisaa argisiiseera.
Arsenaal qabxii 15 dursummaa shaampiyoonsi liigii yeroo qabatu Baayer muniik qabxii 12n sadarkaa 2ffaa qabateera. 
Arsenal shaampiyoonsi liigicharratti yeroo jalqabaaf gooliin yoo keessummeessu BaayerMuniik bara dorgommii kanaa otoo hin mo’amiin ture gufateera.  
Sagantaa biroon abbaa geeba yeroo 15 Riyaal maadriid dirreen Ala  Olompiyaakoosin  4 fi 3 mo’ateera. 
Kiiliyaan mibaappee goolii Afranuu  riyaal maadiriidiif  lakkoofsiseera. 
Chikuwiniho,Mehiidii Tahiremii fi  Ayubii Elikabii  olompiyaasiif galchii lakkoofsiseera. 
Abbaan  waanchaa morkichaa yeroo ammaa PSG,tootanaam Hootisparsiin 5 fi 3n injifateera. 
Viitiniyaan galchii sadii lakkoofsisuun  hatirikii  yeroo hojjetu  faabiyaansi ruwiizi fi wiiliyan poottoo  galchii hafan lakkoofsisaniiru. 
Tootinihaamiif Raandaal kolo muwani goolii lama yeroo lakkoofsisu  Richarlisen goolii hafan  lakkoofsiseera. 
Lukaas Hernandeez kan PSG, daqiiqaa 93ffaa irratti kaardii diimaan dirree keessaa  Arii’ameera. 
Liiverpuul dirree isaarratti PSV Aayindiven 4 fi 1 mo’ateera. 
Kohohayib diru ‘ech galchii lama yeroo lakkoofsisu  Gusteel taphaa fi Ivan pireesich rukkuttaa  Adabbii gooliiwwan hafan lakkoofsisaniiru. 
 Doomnik sibozilaay goolii tokkicha  liiverpuliif  galcheera.

 Taphoota biroo keessatti  inter miilaan  Atileetikoo Maadiridiin 2 fi 1  injifateera.

Atilaantaan  Aayintiraakti Firaankifertiin, ispoorting liizban kilab Biruuj wal walfakkeenyaan 3 fi 0n injifataniiru. 

Taphoota har’a dura  gaggeeffaman keessatti,  koopanhaagen kaayiraat Almaatiin 3 fi 2 yoo injifateera,  paafos fi monakoon immoo  2 fi 2n wal-qixaa bahaniiru.