Siimpooziyeemiin idil-addunyaa manneen murtii Heera Mootummaa Afriikaa fi dhaabbilee wal-fakkaatoo Magaalaa Finfinneetti ni gaggeeffama

Sadaasa 17/2018(TOI)- Siimpooziyeemiin idil-addunyaa manneen murtii Heera Mootummaa Afriikaa fi dhaabbilee wal-fakkaatoo Magaalaa Finfinneetti akka gaggeeffamu manni maree qulqulleessituu Heera Mootummaa Federaalaa beeksise.

Gumiin qulqulleessituu kun siimpooziyeemiin idil-addunyaa manneen murtii Heera Mootummaa Afriikaa fi dhaabbilee wal-fakkaatoo 4ffaa ilaalchisuun Miidiyaaf ibsa kennaniiru.

Ibsicha kan kennan Daarektara Olaanaa Waajjira Mana maree  qulqulleessituu Dhimma Heera Mootummaa  Dassaaleny Wayyeessaa , simpooziyeemichi sadaasa 19  Galma walga’ii  Gamtaa Afriikaatti gaggeeffamuu eegala  jedhaniiru.

 Simpooziyeemicharratti Pirezidaantonni Mannee Murtii Heera Mootummaa biyyoota miseensaa, hayyoota damichaa  dhaabbilee Idil-Addunyaatti  hojjetan, akkasumas keessummoonni waamichi taassifameef biroon  akka  hirmaatan dubbataniiru.

Manneen Murtii Heera Mootummaa Afriikaa fi Simpooziyeemii Idil -Addunyaa Dhaabbilee wal-fakkaatuu mata duree  “heera mootummaa fi ijaarsa mootummaa”  jedhuun akka gaggeeffamu  beeksisaniiru.

 Waltajjicharratti Itiyoophiyaan muuxannooshee akka qoodduu fi qorannoowwan hedduu  damichaan gaggeeffaman dhihaatanii mariin akka irrtti gaggeefamu  hubachiianiiru.

Keessummoonni simpooziyeemicharrtti hirmaachuuf gara Itiyoophiyaa seenaa jiraachuu  eeruun, turtii hirmaattonni taassisanin Finfinneetti bakkeewwan adda addaa  akka daawwatan ibsaniiru.

Simpooziyeemicha  haala milkaa’een gaggeessuuf haal-dureen qophii xumuramuu  dubbataniiru.