Chelsiin Baarseloonaa 3 fi 0 injifate 

Sadaasa17/2018(TOI)-Shaampiyoonsi liigii Awurooppaatti sagantaa eegamuun chelsiin Baarseloonaa 3 fi 0 injifateera.

Tapha galgala Istaadiyeemii Istaamfordi Biriijitti gaggeeffameen Isteeva’o, Liyaam Deelaap fi taphataan Bareloonaa Juul Kundee goolii  injifannoo ofirratti lakkoofsiseera. 

Dursaan garee Baarseloonaa  Ronaldi Awuraho daqiiqaa 44ffaatti kaardii keelloo  lamaan  dirree keessaa baheera. 

Arawuhon bahuun tapha Baarseloonaarratti dhiibbaa geessiseera.

 Faallaasaan chelsiin caalmaa lakkoofsaa sirnaan fayyadameera. 

Tapha Istaadiyeemii Itihaatti gaggeeffameen BaayerLeverkusen Manchistar Siitii haala hin eeggamneen 2 fi 0 injifateera. 

Aleehandiroo Girimaldo fi paatiriik shiik galchii lakkoofsisaniiru.
 
Gara Istaadiyeemii Velodiromitti kan imale Niwuukaastil Yuunaayitid maarseyiin 2 fi 1 mo’ameera. 

Piyer-Emerik Obomeyang  garee Faranaayiif galchii lakkoofsiseera.
 
Hervii barinsi niwukaastiliif goolii dhumaa galcheera.

Ruusiyaa doormunditti viyariyaalin 4 fi 0 injifateera. 

Serhu guyirasi goolii lama yoo lakkoofsisu kaarim adiyeemii fi Daani’eel isvensen  galchiiwwan hafan lakkoofsisaniiru. 
Guuraay taphichaan garichi rukkuttaa adabbii dhumaa argateen osoo itti hin fayyadamiin hafeera.
 
viyariyal huwan foyiz kaardii diimaan dirree keessaa baheera. 

Sagantaawwan biroon Naappooliin karaabagin 2 fi 0 injifateera.

Iskoot maktominay fi kan karabagu yankovichi ofirratti galchii lakkoofsiseera. 

Juventuus bodo giliimtiin  3 fi 2 injifateera.
 
Taphni Islaasviya pirigi fi Atileetikoo  Bilba’o  galchii malee qixa xumurameera.