Sadarkaa Biyyoolessaatti Qamadii Jallisii Boneen lafti hektaarri miliyoona 4 ol ni misooma

Sadaasa 16/2018(TOI )-Bara bajataa 2018 qabametti lafa hektaara miiliyoona  4 ol irratti Qamadiin Jallisii boneen akka Misoomu Ministeerri Qonnaa beeksise.

Ministirru Qonnaa Addisuu Araggaa, Ministirri Jallisii fi Naannoowwan Gammoojjii Dr.Abrihaam Balaay, Ministirri Bishaanii fi Albuudaa Dr. Injiinar Habtaamuu Ittafaa fi hoggantooni olaanoo federaalaa fi Naannoo Amaaraa fi  bulchiinsa godina sablammii Oromoo Aanaa Daawaa caffaatti facaasaa qamadii bonee  har’a eegalchiisaniiru.

 Ministirri Qonnaa Addisuu Araggaa sagantaa jalqabsiisaa kanarratti akka ibsanitti, bara kana akka biyyaatti lafa hektaara miiliyoona  4 tuqaa 2 ol qamadii jallisii boneen omishuuf  hojiin facaasaa gaggeeffamaa jira.

Haala Makaanaayizeeshiniin deeggarameen  misooma  jallisii misoomurraa  callaan   kuntaala miiliyoona 175 ol akka eegamu ibsaniiru.

Hojii hanga ammaatti hojjetameen lafti hektaara miiliyoona 1 caalu facaafamuu ibsaniiru.

Omishtummaa misooma Qamadii guddisuun hojiin wabii nyaataa mirkaneessuu fi gabaa Alaaf dhiheessuu xiyyeeffannoon raawwatamaa jira jedhaniiru.

Kanaanis amman dura lafa qamadiin misoomee  hin beekne  gara misoomatti galchuuf  hojjetamaa jiraachuu hubachiisaniiru.

Har’a naannoo Amaaraa Bulchiinsa Godina bulchiinsa sablammii Oromootti hojiin misoma  jallisii bonee gaggeeffamaa jiru agarsiistuu kanaa ta’uu kaasaniiru.

Sadarkaa Itti Aanaa Bulchaa Naannoo Amaaraatti Qindeessaan kilaastara baadiyaa Dr. Diras Saahiluu gamasaaniin, naannichatti lafa hektaara kuma 350  ol ta’u jallisii qamadii boneen  misoomsuuf hojjetamaa jira.

Misoma jallisii kanarraa callaa kuntaala miiliyoona 13 tuqaa 6 ol  argachuuf  karoorfamuu ibsuun, omishtummaa guddisuuf dhiheessiin galtee fi teekinooloojii taassifamaa jira jedhaniiru.

Bulchaa Godina sablammii oromoo  Obbo Ahimad Alii akka ibsanitti, misooma jallisii  tekinooloojiin deeggaruun  nyaataan of danda’uurra darbee omisha gabaaf gahu omishuuf  hojjetamaa jira jedhaniiru.

Kanaanis misooma jallisii boneen lafa hektaara kuma 12 ol irratti qamadii misoomsuuf karoorfamee hojiin facaasaa eegalamuu ibsaniiru.

Qonnaan bulaaf teekinooloojii fi galtee dhiheessuun wabii nyaataa mirkaneessuurra darbee  omishasaa gabaaf akka  dhiheessuuf  deeggarsii fi hordoffiin taassifamaa jira jedhaniiru.