Piriimar liigii Itiyoophiyaa torban 7ffaan har’a eegala

 Sadaasa 16/2018(TOI )-Piriimar liigii Itiyoophiyaa torban 7ffaan oolmaasaa guyyaa jalqabaan taphoonni sadii ni gaggeeffamu.

Guyyaa sa’aatii 9:00 Magaalaan Adaamaa  Magaala Baahir daar waliin Istaadiyeemii Yunvarsiitii Hawaasaatti taphatu.

Magaalaan Adaamaa liigichatti taphoota ja’a gaggeesseen yeroo lama yoo  Injifatu yeroo tokko  mo’ameera.

Taphoota hafan sadiin qixa adda  bahaniiru.
 
Taphichaan galchii sadii yoo lakkoofsisu  galchii  lama  keessummeesseera. 
Garichi qabxii sagaliin sadarkaa 9ffaa qabateera.
 
Morkataansaa Magaalaan Baahir Daar bara dorgomichaatti tophoota ja’a gaggeesse yeroo  lama injifatee yeroo tokko mo’amee yeroo sadii qixa baheera. 

Galchii sagal yoo lakkoofsisu galchii torba keessummeesseera.
 
Magaalaan Baahir Daar  qabxii sagaliin morkataasaa qabxii galchiin caalee sadarkaa 8ffaa qabateera. 

Sagantaa biroon Walaayittaa Diichaan Walwaloo Addugiraat Yunvarsiitii waliin guyyaa sa’aatii 9:00tti Istadiyeemii  Finfinneetti ni taphatu.
 
Liigichaan walaayittaa diichaan hanga ammaatti tapha  tokkoyyuu hin injifanne.

Yeroo  afur yoo injifatamu  tahoota hafan lamaan qixa baheera.

Taphichaan galchii 4 yoo lakkoofsisu  galchii 9 keessummeesseera.
 
Garichi qabxii lamaan sadarkaa 19ffaa qabatee sadarkaa gadiirratti argama. 

Morkataansaa Walwaloo Adda Giraat Yunvarsiitiin Liigichaan taphoota  jaha gaggeesseen  yeroo shan mo’amee yeroo tokko qixaan baheera.
 
Galchii lama yoo lakkoofsisu  galchii 11 keessummeesseera. 

Walwaloon  qabxii tokkoon sadarkaa dhumaa 20ffaa qabateera. 

Gareewwan lamaan liigichaan injifannoosaanii jalqabaa galmeessisuuf ni taphatu.
 
Galgala sa’aatii 12:00tti  Madin Itiyoophiyaan Negellee Arsii waliin Istaadiyeemii Yuunvarsiitii Hawaasatti ni taphatu. 

Injifataan liigicha yeroo yeroo ammaa madin itiyoophiyaan taphoota shan ligichaan gaggeesseen  yeroo lama yoo  mo’atu yeroo tokko mo’ameera. 

 Taphoota  hafan lamaan qixa adda baheera.

Galchii shan  lakkoofsisee  galchii Afur keessummeesseera. 

Madin tapha wal qixxeessituu tokko jijjiiree qabxii saddeetiin sadarkaa10ffaa qabateera. 

Morkataansaa Nagallee Arsii  bara dorgommichaatti taphoota jaha gaggeessee  keessaa yeroo tokko qofa injifateera. 
 
Yeroo  lama mo’amee  qabxii sadii qooddateera.
 
Taphichaan galchii Afur yoo lakkoofsisu galchii shan keessummeesseera. 

Gareen  guddattuu haaraan qabxii ja’aan sadarkaa 13ffaa qabateera.

Sagantaa torban 7ffaan hanga sadaasa 18 bara 2018 ni  tura.

Liigichatti  Bunni sidaamaa  qabxii  13 dursaa jira. 

Maqalee Sabandartaan, Magaalaa Arbaa Minci, Walaayittaa  Diichaa fi  WAlwaloo Addigiraat Yunvarsiisttiin sadarkaa 17ffaa hanga 20ffaa qabachuun sadarkaa gadbu’aarra jiru.